تیری عظمت کا ہر اک دور میں چرچا دیکھا
حسن کونین ترے آگے ہے پھیکا دیکھا
Teri azmat ka har ik dor mein charcha dekha
Husn konain tere aage hai pheeka dekha
انبیاء اولیا محتاج و غنی شاه و گدا
سب کو دربار محمد کا ہی منگتا دیکھا
Anbiya aulia mohtaaj o ghani Shah o gada
Sab ko darbar Muhammad ka hi mangta dekha
جس کے دیدار کو پہنچے تھے سر طور کلیم
ہم نے محبوب کے جلوؤں میں وہ جلوہ دیکھا
Jis ke deedaar ko pohanche the Sar Toor Kaleem
Hum ne Mehboob ke jalo'on mein wo jalwa dekha
کس کے آنے سے معطر ہے فضائے عالم
رقص میں آج ہر اک جھونکا ہوا کا دیکھا
Kis ke aanay se muatir hai faza-e-alam
Raqs mein aaj har ik jhonka hawa ka dekha
رک گئے خود ہی ادھر آ کے خزاؤں کے قدم
باغ دل پر جو تیری یاد کا سایا دیکھا
Ruk gaye khud hi idhar aa ke khazaoon ke qadam
Bagh dil par jo teri yaad ka saya dekha
یوں تو عالم میں حسینوں سے حسین دیکھے ہیں
اک مگر چشم دو عالم نے نہ تجھ سا دیکھا
Yun tou aalum mein haseenon se haseen dekhe hain
Ik magar chashm do aalum ne na tujh sa dekha
عالم خواب میں جس وقت تصور نے میرے
آنکھ کھولی تو مدینے کا نظارا دیکھا
Aalam e khawab mein jis waqt tasavvur ne mere
Aankh kholi to Madine ka nazara dekha
کیف و مستی میں نیازی ہے یہ محفل ساری
ذکر محبوب کا کیا رنگ نرالا دیکھا
Kaif o masti mein Niazi hai yeh mehfil saari
Zikr Mehboob ka kya rang nirala dekha
Share This Naat
Share with friends and family
تیری عظمت کا ہر اک دور میں چرچا دیکھا
عبدالستار نیازی