Manqabat
تذکرہ سُنیے اب اُن کا دلِ بیدار کے ساتھ
تذکرہ سُنیے اب اُن کا دلِ بیدار کے ساتھ
ہے جنہیں خاص قرابت شہِؐ ابرار کے ساتھ
Tazkira suniye ab un ka dil-e-bedar ke sath
Hai jinhein khas qarabat shah-e-abrar ke sath
صرف زینب کا وہ خطبہ سرِ دربار نہ تھا
رُعب حیدر کا بھی تھا جُراءتِ گُفتار کے ساتھ
Sirf Zainab ka woh khutba sar-e-darbar na tha
Roob-e-Haider ka bhi tha jurrat-e-guftar ke sath
بیڑیاں، صدمہ، سفر، پیاس، نقاہت، صحرا
ظلم کیا کیا نہ ہوئے عابِدِ بیمار کے ساتھ
Beediyan, sadma, safar, pyas, nakaahat, sehra
Zulm kya kya na huye abid-e-bimar ke sath
ہائے کس طرح وہ بازار سے گزرے ہوں گے
نام تک جن کا نہ آیا کبھی بازار کے ساتھ
Haaye kis tarah woh bazaar se guzre honge
Naam tak jin ka na aaya kabhi bazaar ke sath
ایک کم سِن کی وہ ننّھی سی لحد کیا دیکھی
رو دیئے ہم تو لپٹ کر دَر و دیور کے ساتھ
Ek kam sin ki woh nannhi si lahd kya dekhi
Ro diye hum to lipat kar dar o deewar ke sath
خود کو وہ فوجِ حُسینی کا سپاہی سمجھے
جس کا کردار بھی پاکیزہ ہو گُفتار کے سا تھ
Khud ko woh fouj-e-Husaini ka sipahi samjhe
Jis ka kirdar bhi pakeeza ho guftar ke sath
اُن پہ طاری تھا ترے سامنے اک رعشہء خوف
رقص کرتے تھے جو پازیب کی جھنکار کے ساتھ
Un pe tari tha tere samne ek ra'sha-e-khawf
Raqs karte the jo paazeb ki jhanjhaar ke sath
اُن کا لہجہ ہے حقیقت میں علی کا لہجہ
بات کرتے ہیں مقابل سے جو تلوار کے ساتھ
Un ka lehja hai haqeeqat mein Ali ka lehja
Baat karte hain muqabil se jo talwar ke sath
کر لیا مصلحتوں نے اُسے پابندِ ہوس
وقت کیا خاک چلے گا تِری رفتار کے ساتھ
Kar liya maslahatoun ne usay paband-e-hawas
Waqt kya khaak chale ga teri raftaar ke sath
دے گئے درس یہ اُمّت کو حُسینی تیور
سر کو کٹواؤ، مگر نشّہء پندار کے ساتھ
De gaye dars ye ummat ko Husaini tewar
Sar ko katwao, magar nasha-e-pindar ke sath
اِک سکینہ کے لیے کرب کی سُولی پہ چڑھا
دیکھئے دار کو عبّاسِ علمدار کے ساتھ
Ik Sakeena ke liye karb ki sooli pe charha
Dekhiye daar ko Abbas-e-Alamdar ke sath
یہ بجا تُو ہی ہدف تھا سرِ مقتل، لیکن
دشمنی اصل میں تھی احمدِؐ مختار کے ستھ
Ye baja tu hi hadaf tha sar-e-maqtal, lekin
Dushmani asal mein thi Ahmed-e-Mukhtar ke sath
مَر کے خود پائی بقا اور اُسے مار دیا
تُو نے کیا چال چلی دُشمن عیّار کے ساتھ
Mar ke khud payi baqa aur usay maar diya
Tu ne kya chaal chali dushman aiyaar ke sath
بولے عبّاس کہ ہم لوگ ہیں میداں کے دھنی
ہولیاں کھیلی ہیں چلتی ہوئی تلوار کے ساتھ
Bole Abbas ke hum log hain maidaan ke dhani
Holiyan kheli hain chalti hui talwar ke sath
میرے سجاد یہ دُکھ کیسے بھلا دُوں تیرا
سختیاں جھیلیں سفر کی، تنِ بیمار کے ساتھ
Mere Sajjad ye dukh kaise bhula doon tera
Sakhtiyan jheeli hain safar ki, tan-e-bimar ke sath
آلِ زہرا کا سُنا ہے کہ ثنا خواں ہے نصیؔر
آیئے مِلتے ہیں اِس شاعرِ دربار کے ساتھ
Aal-e-Zahra ka suna hai ke sana khuwaan hai Nasīr
Aaiye milte hain is sha'ir-e-darbar ke sath
Share This Naat
Share with friends and family
تذکرہ سُنیے اب اُن کا دلِ بیدار کے ساتھ
سید نصیرالدیں نصیر