فتح کیوں حاصل نہ ہوتی خون کو شمشیر پر
شمر قابض ہو گیا تھا سینہ شبیر پر
Fatah kyon hasil na hoti khoon ko shamsheer par
Shamr qabiz ho gaya tha seenah Shabbir par
دو گواہوں کی جگہ ہیں دستخط قرآن کے
کربلا میں خون سے لکھی ہوئی تحریر پر
Do gawahon ki jagah hain dastakhat Quran ke
Karbala mein khoon se likhi hui tehreer par
سارے مظلوموں کی ہے آواز، آواز حسین
بولتا ہے اس کا خوں ہر تیغ پر ہر تیر پر
Saare mazloomon ki hai aawaz, aawaaz Hussain
Bolta hai us ka khoon har tegh par har teer par
کٹ گئے فولاد کے حلقے بھی دھاگے کی طرح
پیاس نے جب ہاتھ ڈالا ظلم کی زنجیر پر
Kat gaye folad ke halqe bhi dhage ki tarah
Piyas ne jab haath dala zulm ki zanjeer par
ہر نماز اس کی شہادت کے مصلّے پر پڑھوں
اس کی شہ رگ کا لکھا ہے نام ہر تکبیر پر
Har namaz us ki shahadat ke musalle par parhun
Us ki shehrag ka likha hai naam har takbeer par
دین جھوٹے بستہ برداروں کی زد پر آگیا
ٹکڑے ٹکڑے ہو کے شیشہ گر گیا تصویر پر
Deen jhootay basta bardaron ki zad par aagaya
Tukde tukde ho ke sheesha gir gaya tasweer par
اس کی قربانی مظفر کر گئی زندہ ہمیں
بن گئے کتنے محل اک حسرت تعمیر پر
Us ki qurbani Muzaffar kar gayi zinda hamen
Ban gaye kitne mahal ek hasrat taameer par
Share This Naat
Share with friends and family
فتح کیوں حاصل نہ ہوتی خون کو
مظفر وارثی