تجھ کو دیارِ غیر کی آب و ہوا پسند
میں کیا کروں کہ مجھ کو ہے کرب و بلا پسند
Tujh ko dayar-e-ghair ki aab o hawa pasand
Main kya karun keh mujh ko hai karb o bala pasand
میری سرشت تجھ سے جدا ہے بَہر زماں
یعنی تو خود پسند ہے، میں ہوں خدا پسند
Meri srisht tujh se juda hai bahr zamaan
Yani tu khud pasand hai, main hun Khuda pasand
”ضربت“ پہ خلد، ”نیند“ پہ مرضی نثار کی
خالق کو مرتضیٰ کی ہے اِک اِک ادا پسند
"Zarbat" pe khuld, "neend" pe marzi nisaar ki
Khaaliq ko murtaza ki hai ik ik ada pasand
ہر دم وہ دم ہے پھر دَمِ عیسےٰؑ کی آبرُو
اِک بار آگئی جسے خاکِ شفا پسند
Har dam woh dam hai phir dam-e-Isa(a.s.) ki aabru
Ik baar aa gayee jise khak-e-shifa pasand
شبّیرؑ کی ”نہیں“ پہ دو عالم ؐ کی ”ہاں“ نثار
ایسا بھی کون ہوگا جہاں میں اَنا پسند
Shabbir(a.s.) ki "nahi" pe do aalam(s.a.w.w) ki "haan" nisaar
Aisa bhi kon hoga jahan mein ana pasand
خوشبو رہِ نجف کی ہمیں یوں عزیز ہے
جیسے مسافروں کو وطن کی ہَوا پسند
Khushboo rah-e-Najaf ki humein yun azeez hai
Jaise musafiron ko watan ki hawa pasand
خیبر شکن سے پوچھ قناعت کا بانکپن
ورنہ کسے ہے نانِ جویں سی غذا پسند
Khaibar shikan se pooch kana'at ka baankpan
Warna kise hai naan-e-joween si ghiza pasand
حُبِّ علیؑ کی مے کو جہاں سے چھپا کے رکھ
یہ جنس وہ ہے جس کو کریں انبیاء پسند
Hub-e-Ali(a.s.) ki may ko jahan se chhupa ke rakh
Yeh jins woh hai jis ko karein anbiya pasand
اِس کم سِنی میں یُوں صفِ اعدا سے انتقام
اصغؔرؑ تو اِبتدا میں ہُوا اِنتہا پسند
Is kam sini mein yun saf-e-a'da se inteqam
Asghar(a.s.) toh ibtida mein hua inteha pasand
خواہش ہے، چاند کی بھی پرستش کروں کبھی
اِتنا ہے، اے حسینؑ ترا نقشِ پا پسند
دنیا مری ہنسی نہ اُڑائے تو کیا کرے ؟
مجھ کو خوشی میں بھی ہے یہ رونا بڑا پسند
Khwaahish hai, chaand ki bhi parastish karun kabhi
Itna hai, aye Hussain(a.s.) tera naqsh-e-pa pasand
ثابت ہوئی یہ بات دیارِ دمشق میں
زینب، خدا کے دیں کو ہے تیری ردا پسند
Duniya meri hansi na uraye toh kya kare?
Mujh ko khushi mein bhi hai yeh rona bara pasand
سایہ فگن ہے سر پہ مرے پرچمِ حُسینؑ
مجھ کو نہیں ہے سایہء ”بالِ ہما“ پسند
Saabit hui yeh baat dayaar-e-Dimashq mein
Zainab, Khuda ke deen ko hai teri rida pasand
Share This Naat
Share with friends and family
تجھ کو دیارِ غیر کی آب و ہوا پسند
محسن نقوی