ہُوا ظاہر یہ اُن کے نُور سے نُورِ خدا کیا ہے
محمدؐ کا جمالِ پاک بھی صلِّ علیٰ کیا ہے
Hua zahir ye un ke noor se noor-e-Khuda kya hai
Muhammadؐ ka jamal-e-paak bhi sall-e-ala kya hai
حبیبِؐ کبریا کے دَم قدم سے یہ ہُوا روشن
فنا کیا ہے، بقا کیا ہے، خودی کیا ہے، خدا کیا ہے
Habibؐ-e-Kibriya ke dam qadam se ye hua roshan
Fana kya hai, baqa kya hai, khudi kya hai, Khuda kya hai
جہاں وہ تھے، فرشتے تھے نہ جبریلِؑ امیں حاضر
شبِ معراج وہ جانیں کہا کیا ہے سُنا، کیا ہے
Jahan woh the, farishte the na Jibreel-eؑ Ameen hazir
Shab-e-Me'raj woh janein kaha kya hai suna, kya hai
بلالؓ و بُوذرؓ سلماں ؓ کے جذب و شوق سے پوچھو
رسولؐ اللہ پر قربان ہونے کی ادا کیا ہے
Bilalؓ o Buzarؓ Salmanؓ ke jazb o shauq se poochho
Rasulؐ Allah par qurban hone ki ada kya hai
سراسیمہ نہ ہو اے چارہ گر! کیفیت غم پر
یہ اہلِ دل سمجھتے ہیں، دلِ درد آشنا کیا ہے
Sarasima na ho ae charah gar! kaifiyat-e-gham par
Ye ahl-e-dil samajhte hain, dil-e-dard ashna kya hai
مدینے کی گزرگاہوں میں چل پھر کر شرف پایا
یہ ورنہ اک ہَوا کی لہر ہے، بادِصبا کیا ہے
Madine ki guzar gahoin mein chal phir kar sharaf paya
Ye warna ik hawa ki lehar hai, baad-e-saba kya hai
غلامانِ ہوس یہ ، تیرا آقا ساقیٔؐ کوثر
نظر بھر کر نہ دیکھ، اِن کج کلاہوں میں دھرا کیا ہے
Ghulaman-e-hawas ye, tera aqa saqi-eؐ-kosar
Nazar bhar kar na dekh, in kaj kulahon mein dhra kya hai
خدا کی رحمتیں ہیں اور جلوے ہیں محمدؐ کے
زہے قسمت، زہے عّزت! مِرے دامن میں کیا کیا ہے
Khuda ki rehmatain hain aur jalwe hain Muhammadؐ ke
Zahe qismat, zahe izzat! mere daman mein kya kya hai
رموزِ کائنات اللہ جانے، مصطفٰےؐ جانیں
فرشتہ کیا سمجھ پائے ورا کیا ماورا، کیا ہے
Ramooz-e-kainaat Allah jaane, Mustafaؐ jaane
Farishte kya samajh paae wara kya mawara, kya hai
کلیؑمُ اللہ سے پوچھو نصیرؔ اسرار جلووں کے
وہ سمجھے ہیں چراغ طُور کی دلکش ضیا کیا ہے
Kaleem Allah se poochho Naseerؔ asrar jaluon ke
Woh samjhe hain charagh thor ki dilkash diya kya hai
Share This Naat
Share with friends and family
ہُوا ظاہر یہ اُن کے نُور سے نُورِ خدا کیا ہے
سید نصیرالدیں نصیر