توحید کا مژدہ دنیا کو سرکار سنانے والے ہیں
ہے رحمتِ عالم جن کا لقب تشریف وہ لانے والے ہیں
Tauheed ka mujdah duniya ko sarkar sunane wale hain
Hai rehmat-e-aalam jin ka laqab tashreef woh laane wale hain
ظالم کی جفاؤں کے جو تھے ایام وہ جانے والے ہیں
ہو تم کو مبارک اہلِ جہاں دن امن کے آنے والے ہیں
Zaalim ki jafaon ke jo the ayyam woh jaane wale hain
Ho tum ko mubarak ahl-e-jahan din aman ke aane wale hain
تاریکیِ باطل گم ہوگی تنویرِ ہدایت چمکے گی
سرکارِ دوعالم وحدت کی قندیل جلانے والے ہیں
Tareeki-e-batil gum hogi tanveer-e-hidayat chamke gi
Sarkar-e-do-aalam wahdat ki qandeel jalane wale hain
ٹوٹے گا غرورِ ظلم ان کا مغلوب یقیناً وہ ہوں گے
مجبور و یتیم و بے کس کو جو لوگ ستانے والے ہیں
Toote ga ghuroor-e-zulm un ka maghloob yaqeenan woh honge
Majboor o yateem o be-kas ko jo log satane wale hain
بدلے گی روش اس دنیا کی زندانِ بلا ڈھے جائیں گے
دنیا سے پیمبر بدعت کی ہر رسم مٹانے والے ہیں
Badle gi rawish is duniya ki zindaan-e-bala dhaye jayein ge
Duniya se paighambar bidat ki har rasm mitane wale hain
سرکار کے یومِ بعثت پر پوچھو نہ مسرت کا عالم
عیدیں ہیں فدا جس عید پہ ہم وہ عید منانے والے ہیں
Sarkar ke youm-e-baisat par poocho na musarrat ka aalam
Eideen hain fida jis eid pe hum woh eid manane wale hain
ہے عشقِ پیمبر دل میں اگر اے امتِ عاصی خوف نہ کر
محشر میں شفاعت کا مژدہ سرکار سنانے والے ہیں
Hai ishq-e-paighamber dil mein agar aye ummat-e-aasi khauf na kar
Mahshar mein shafaat ka mujdah sarkar sunane wale hain
آنکھوں میں بسائے کوئے نبیؐ آتے ہیں مدینے کے زائر
عشاقِ نبیؐ پلکیں ان کی راہوں میں بچھانے والے ہیں
Aankhon mein basaye kooye Nabi (SAW) aate hain Madeene ke zaair
Aashiq-e-Nabi (SAW) palken un ki rahon mein bichhane wale hain
اے کاش یہ کہہ دے آکے صبا سن لی ہے خدا نے تیری دعا
جائے گا مدینے تو احسؔن سرکار بلانے والے ہیں
Ae kaash yeh keh de aake saba sun li hai Khuda ne teri dua
Jaye ga Madeene to Ahsan sarkar bulane wale hain
Share This Naat
Share with friends and family
توحید کا مژدہ دنیا کو سرکار سنانے والے ہیں
احسن اعظمی