جب یادِ نبی میں اشکوں کے پلکوں پہ چراغاں ہوتے ہیں
رحمت کی گھٹائیں اٹھتی ہیں تسکین کے ساماں ہوتے ہیں
Jab yaad-e-Nabi mein ashkon ke palkon pe charaghan hote hain
Rehmat ki ghataen uthti hain taskeen ke samaan hote hain
طیبہ کے مسافر ہوتے ہیں جب رخصت انکی چوکھٹ سے
دل گریہ کناں اور پلکوں کے بھیگے ہوئے داماں ہوتے ہیں
Taybah ke musafir hote hain jab rukhsat unki chaukhat se
Dil giryah kanaan aur palkon ke bheege hue daaman hote hain
ہو جان سے بڑھ کر پیار جنہیں محبوب مدینے والے سے
ایمان سے کہتا ہوں لوگو وہ صاحب ایمان ہوتے ہیں
Ho jaan se barh kar pyaar jinhein mahboob Madeene wale se
Imaan se kehta hoon logo woh sahib e imaan hote hain
اللہ نے کہا محبوب مرے امت ہے تری محبوب مجھے
امت کی بخشش کی خاطر کیوں آپ پریشاں ہوتے ہیں
Allah ne kaha mahboob mere Ummat hai teri mahboob mujhe
Ummat ki bakhshish ki khaatir kyon aap pareshaan hote hain
آ آ کے تسلی دیتی ہے اللہ کی رحمت خود اُن کو
راتوں کے ڈھلتے سائے میں جو دل سے پشیماں ہوتے ہیں
Aa aa ke tasalli deti hai Allah ki rehmat khud unko
Raaton ke dhalte saaye mein jo dil se pashemaan hote hain
اس جا پہ کرم کے پھول کھلیں وہ پاؤں جہاں اپنا رکھدیں
جاتے ہیں جدھر بھی میرے نبی ساتھ اُنکے گلستاں ہوتے ہیں
Us ja pe karam ke phool khilen woh paon jahan apna rakh dein
Jaate hain jidhar bhi mere Nabi saath unke gulistaan hote hain
یہ جینا بھی کیا جینا ہے نظروں سے دور مدینہ ہے
قسمت کے دھنی ہیں جو جا کر سرکار کے مہماں ہوتے ہیں
Yeh jeena bhi kya jeena hai nazron se door Madina hai
Kismet ke dhani hain jo ja kar Sarkar ke mehman hote hain
گر جائیں جو ان کی نظروں سے وہ چاند بھی گہنا جاتے ہیں
جو انکی نظر میں آ جائیں ذرے بھی درخشاں ہوتے ہیں
Ghar jaayein jo un ki nazron se woh chaand bhi gehna jaate hain
Jo unki nazar mein aa jaayein zare bhi darakhshan hote hain
اکبار وہ جن سے روٹھ گئے سمجھو کہ خدائی روٹھ گئی
راضی ہوں نیازی جن پہ نبی وہ بخت کے سلطان ہوتے ہیں
Akbar woh jin se rooth gaye samjho ke khudaai rooth gayi
Raazi hoon Niazi jin pe Nabi woh bakht ke Sultan hote hain
Share This Naat
Share with friends and family
جب یادِ نبی میں اشکوں کے پلکوں پہ چراغاں ہوتے ہیں
عبدالستار نیازی