سرور کہوں کہ مالک و مَولیٰ کہوں تجھے
باغِ خلیل کا گلِ زَیبا کہوں تجھے
Sirur kahun ke malik-o-mola kahun tujhe
Bagh-e-Khalil ka gul-e-zayba kahun tujhe
حرماں نصیب ہوں تجھے امید گہ کہوں
جانِ مراد و کانِ تَمَنّا کہوں تجھے
Harman naseeb hun tujhe umeed gah kahun
Jan-e-muraad-o-kan-e-taman'a kahun tujhe
گلزارِ قدس کا گلِ رنگیں اَدا کہوں
دَرمانِ دَرْدِ بُلبُلِ شیدا کہوں تجھے
Gulzaar-e-qaddus ka gul-e-rangin ada kahun
Darman-e-dard-e-bulbul-e-sheeda kahun tujhe
صبح وَطن پہ شامِ غریباں کو دُوں شَرَف
بیکس نواز گیسووں والا کہوں تجھے
Subh watan pe shaam-e-ghareebaan ko dun sharaf
Bekas nawaz gesuon wala kahun tujhe
اللہ رے تیرے جسمِ منوّر کی تابِشیں
اے جانِ جاں میں جانِ تجلّا کہوں تجھے
Allah re tere jism-e-manawwar ki taabishain
Ae jan-e-jaan mein jan-e-tajalla kahun tujhe
بے داغ لالہ یا قمر بے کلف کہوں
بے خار گلبنِ چمن آرا کہوں تجھے
Be dagh lalah ya qamar be kalaf kahun
Be khar gulbun-e-chaman ara kahun tujhe
مجرم ہُوں اپنے عفو کا ساماں کروں شہا
یعنی شفیع روزِ جزا کا کہوں تجھے
Mujrim hun apne afw ka saaman karun sheha
Yani shafi roz-e-jaza ka kahun tujhe
اِس مُردہ دل کو مژدہ حیاتِ ابد کا دُوں
تاب و توانِ جانِ مسیحا کہوں تجھے
Is murda dil ko mujda hayat-e-abad ka dun
Taab-o-tawaan-e-jan-e-Masiha kahun tujhe
تیرے تو وَصف عیب تناہی سے ہیں بَری
حیراں ہُوں میرے شاہ میں کیا کیا کہوں تجھے
Tere to wasf aib tanahi se hain bari
Hairan hun mere shah mein kya kya kahun tujhe
کہہ لے گی سب کچھ اُن کے ثناخواں کی خامُشی
چپ ہو رہا ہے کہہ کے میں کیا کیاکہوں تجھے
Keh le gi sab kuch un ke saanakhwaan ki khamoshi
Chup ho raha hai keh ke mein kya kya kahun tujhe
لیکن رضاؔ نے ختم سخن اس پہ کر دیا
خالِق کا بندہ خلق کا آقا کہوں تجھے
Lekin Raza ne khatm-e-sukhan is pe kar diya
Khaliq ka banda khalq ka aaqa kahun tujhe
Share This Naat
Share with friends and family
سرور کہوں کہ مالک و مَولیٰ کہوں تجھے
احمد رضا خان بریلوی