اے قدیرِ قدرتِ بیکراں مجھے اذنِ عرضِ سوال دے
یہ جو شمسِ قہر ہے اوج پر اسے تُو ہی حکمِ زوال دے
Ae qadeer-e-qudrat-e-beykraan mujhe izn-e-arz-e-sawal de
Ye jo shams-e-qehr hai ooj par ise tu hi hukum-e-zawal de
تری خلق ہیں سبھی خشک و تر تو ہی حکمراں ہے جہان پر
ترے تحتِ امر ہیں بحر و بر مری مشکلات کو ٹال دے
Teri khalq hain sabhi khushk o tar tu hi hukmaran hai jahan par
Tere taht-e-amr hain bahr o bar meri mushkilat ko taal de
تجھے واسطہ ہے حبیب کا تری رحمتوں کے نقیب کا
ہے مرا غنیم عجیب سا مجھے حوصلہ ،مجھے ڈھال دے
Tujhe wastay hai Habeeb ka teri rehmaton ke najeeb ka
Hai mera ghanim ajeeb sa mujhe hosla, mujhe dhal de
ہیں مریضِ غم ترے بندگاں جو گھروں میں بند ہیں بے گماں
وہ پسارے بیٹھے ہیں جھولیاں کہ شفا کی بھیک تُو ڈال دے
Hain mareez-e-gham tere bandgaan jo gharron mein band hain be guman
Woh pasaray baithe hain jholiyan keh shifa ki bheek tu daal de
یہ فساد ہے جو مچا ہوا ہے بشر کا اپنا کیا دھرا
جو نگل رہی ہے اسے وبا سبھی بستیوں سے نکال دے
Ye fasaad hai jo macha hua hai bashar ka apna kiya dhara
Jo nigal rahi hai ise waba sabhi bastiyon se nikaal de
ہے عجب یہ آفتِ نا گہاں کہیں بھوک ہے کہیں خوفِ جاں
ہوئیں تنگ جن کی بھی روزیاں انہیں تُو ہی رزقِ حلال دے
Hai ajab ye aafat-e-na gahaan kahin bhook hai kahin khauf-e-jaan
Huin tang jinn ki bhi roziyaan unhein tu hi rizq-e-halal de
جو اجڑ گئی ہیں وہ مجلسیں جو بچھڑ گئی ہیں وہ سنگتیں
انھیں کر عطا وہی رونقیں انھیں سوز و سازِ وصال دے
Jo ujad gayi hain woh majlison jo bichar gayi hain woh sangatain
Inhein kar ata wohi rounaqen inhein soz o saaz-e-wisal de
ہو بہار پھر سے نگر نگر ہوں قرار میں سبھی بام و در
تری رحمتوں پہ ہے ہر نظر سبھی ظلمتوں کو اجال دے
Ho bahar phir se nagar nagar hon qarar mein sabhi baam o dar
Teri rehmaton pe hai har nazar sabhi zulmaton ko ujaal de
جو ہوئیں خطائیں معاف کر تو بحال پھر سے مطاف کر
مری روح وقفِ طواف کر یوں ظفر کو حسنِ مآل دے
Jo huin khataen maaf kar tu bahal phir se mataf kar
Meri rooh waqf-e-tawaf kar yun Zafar ko husn-e-maal de
Share This Naat
Share with friends and family
اے قدیرِ قدرتِ بیکراں مجھے اذنِ عرضِ سوال دے
محمد ظفراقبال نوری