Manqabat
شعر گوئی میں جُدا ہے طرزِ اظہارِ فریدؒ
شعر گوئی میں جُدا ہے طرزِ اظہارِ فریدؒ
زندگی دیتے ہیں جان ودل کو ، افکار ِ فرید ؒ
She'r goi mein juda hai tarz-e izhar-e Fareedؒ
Zindagi dete hain jaan o dil ko, afkar-e Fareedؒ
مرحبا! حاصل ہے سب کو آج ، دیدارِ فریدؒ
ہے نظر کے سامنے اِس وقت دربارِ فرید ؒ
Marhaba! haasil hai sab ko aaj, deedaar-e Fareedؒ
Hai nazar ke samne is waqt darbaar-e Fareedؒ
جس کے پلّے میں ہے کچھ سرمایہء سوز و گداز
سَر کے بل وہ چل کر آتا ہے ببازارِ فریدؒ
Jis ke palle mein hai kuch sarmaya-e sooz o gudaaz
Sar ke bal woh chal kar aata hai bazaar-e Fareedؒ
اس فریدی میکدے میں ہے معارف کی شراب
پی خدا کا نام لے کر اور قدّح خوارِ فریدؒ!
Is Fareedi maikade mein hai ma'arif ki sharab
Pi Khuda ka naam le kar aur qad-dah khwaar-e Fareedؒ!
عشق کے موتی لُٹاتی ہے بہ اندازِ سخن
رنگ پر آتی ہے جب طبعِ گُہرِ بارِ فریدؒ
Ishq ke moti lutati hai ba andaaz-e sukhan
Rang par aati hai jab tab'a-e guhar-e baar-e Fareedؒ
ہر بُنِ مُو سے صدا اُٹھتی ہے ذکرِ ذات کی
دل کو تڑپاتا ہے جس دَم ، سوزِ گُفتارِ فریدؒ
Har bun-e moo se sada uthti hai zikr-e zaat ki
Dil ko tadpaata hai jis dam, sooz-e guftaar-e Fareedؒ
تجھ کو آئے گا نظر ہر سمت، یُوسفؑ کا جمال
اک ذرا بن کر زُلیخا دیکھ ! بازارِ فریدؒ
Tujh ko aaye ga nazar har simt, Yusufؑ ka jamaal
Ek zara ban kar Zulaikha dekh! bazaar-e Fareedؒ
چہرہء انور کی جانب با ادب اُٹھّے نگاہ
جلوہ گاہِ کبریا ہے ، چشمِ بیدارِ فریدؒ
Chehra-e anwar ki janib ba adab ut-thay nigah
Jalwah gah-e kibriya hai, chashm-e bedaar-e Fareedؒ
کور چشمانِ جہاں کب دیکھ سکتے ہیں اِسے
دیدہء عارف سے پُوچھو ، شانِ گلزارِ فریدؒ
Kor chashman-e jahan kab dekh sakte hain isay
Deedah-e arif se poocho, shaan-e gulzar-e Fareedؒ
حق یہ ہے حق پر ہیں یہ ، حق اِن کا ہے یہ حق کے ہیں
طالبِ حق ، ہے تو پھر بن جا طلبگار ِ فریدؒ
Haq yeh hai haq par hain yeh, haq in ka hai yeh haq ke hain
Taalib-e haq, hai to phir ban ja talabgaar-e Fareedؒ
مطلعِ ہستی یہ چمکیں گے سدا مثلِ نُجُوم
مِٹ نہیں سکتے کبھی دُنیا سے ، آثارِ فریدؒ
Matla-e hasti yeh chamkenge sada misl-e nujoom
Mit nahi sakte kabhi duniya se, aasaar-e Fareedؒ
تاجداروں کو وہ خاطر میں کبھی لاتا نہیں
کس قدر دل کا غنی ہے ، کفش بردارِ فریدؒ
Taajdaron ko woh khatir mein kabhi laata nahi
Kis qadar dil ka ghani hai, kaf-sh bardar-e Fareedؒ
تجھ کو مِل جائیں گی پھر، چشتی نظامی مستیاں
دیکھ تو بن کر ذرا اک روز ، میخوارِ فریدؒ
Tujh ko mil jaayen gi phir, Chishti Nizami mastiyan
Dekh tu ban kar zara ek roz, maikhwaar-e Fareedؒ
تجھ کو مِل جائے گا سب کچھ ، تُو غنی ہو جائے گا
ساری دُنیا چھوڑ کر بن جا ، خریدارِ فریدؒ
Tujh ko mil jaaye ga sab kuch, tu ghani ho jaaye ga
Saari duniya chhod kar ban ja, kharidaar-e Fareedؒ
جلوہ فرما دیکھ لے شاید کسی کو بام پر
بیٹھ جا بستر لگا کر زیرِ دیوارِ فریدؒ
Jalwa farma dekh le shayad kisi ko baam par
Baith ja bistar laga kar zer-e deewaar-e Fareedؒ
جھُومتے پیڑوں کو جب دیکھا تو یُوں مجھ کو لگا
جیسے خود روہی کے ہونٹوں پر ہُوں اشعارِ فریدؒ
Jhoomte pedon ko jab dekha to yun mujhe laga
Jaise khud Rohi ke honton par hon ashaar-e Fareedؒ
تا ابد قائم رہے یارب! فریدی میکدہ
سب کو پلواتی رہے یہ چشمِ مَے بارِ فریدؒ
Ta abad qaim rahe Yarab! Fareedi maikada
Sab ko pilwati rahe yeh chashm-e may baar-e Fareedؒ
غوثِ اعظمؒ کے حوالے سے نصیؔر آیا ہے آج
در سے پھیریں گے نہ خالی اُس کو ، سرکارِ فریدؒ
Ghous-e A'zamؒ ke hawalay se Naseer aaya hai aaj
Dar se pheren ge na khaali us ko, sarkaar-e Fareedؒ
Share This Naat
Share with friends and family
شعر گوئی میں جُدا ہے طرزِ اظہارِ فریدؒ
سید نصیرالدیں نصیر