جو ڈٹ گئے یزید کی فوجوں کے سامنے
اُکھڑے ہوئے پڑے تھے وہ خیموں کے سامنے
Jo dat gaye Yazeed ki faujon ke samne
Ukhre hue pare the woh khemon ke samne
پانی کے ایک گُھونٹ کی قیمت تھی زندگی
لگ ہی گیا ہجوم دکانوں کے سامنے
Pani ke aik ghont ki qeemat thi zindagi
Lag hi gaya hujoom dukano ke samne
ٹوٹا ہوا پڑا تھا غرورِ یزیدیت
شہزادگانِ دین کی لاشوں کے سامنے
Tota hua para tha ghuror-e-Yazeediat
Shehzadgan-e-deen ki lashon ke samne
حورانِ خلد کوثر و تسنیم لائی تھیں
اللہ کی رضائیں تھیں پیاسوں کے سامنے
Huran-e-khuld Kausar o Tasneem layi theen
Allah ki razaen theen pyason ke samne
صبر حسین اصل میں معراجِ صبر تھا
لاشوں کے ڈھیر لگ گئے آنکھوں کے سامنے
Sabr Hussain asal mein maaraj-e-sabr tha
Lashon ke dher lag gaye aankhon ke samne
ان کے سروں سے چادریں تک چھین لی گئیں
نکلیں نہ رات کو بھی جو تاروں کے سامنے
Un ke saron se chadren tak cheen li gain
Nikle na raat ko bhi jo taron ke samne
منظور تھا یہی مرے پروردگار کو
انساں سے کتنا خوش تھا فرشتوں کے سامنے
Manzoor tha yehi mere Parwardigar ko
Insaan se kitna khush tha farishton ke samne
بجھ کر بھی جگمگا دیا سارے جہان کو
ٹھہریں نہ آندھیاں بھی چراغوں کے سامنے
Bujh kar bhi jagmaga diya sare jahan ko
Thehrein na aandhiyaan bhi charaghon ke samne
Share This Naat
Share with friends and family
جو ڈٹ گئے یزید کی فوجوں کے سامنے
مظفر وارثی