خواجۂ ہند وہ دَربار ہے اَعلیٰ تیرا
کبھی محروم نہیں مانگنے والا تیرا
Khwaaja-e-Hind wo darbaar hai a'laa tera
Kabhi mehroom nahi mangne waala tera
مَے سر جوش در آغوش ہے شیشہ تیرا
بیخودی چھائے نہ کیوں پی کے پیالہ تیرا
Mai sar josh dar aaghosh hai sheesha tera
Beykhudi chaye na kyun pee ke pyaala tera
خفتگانِ شب غفلت کو جگا دیتا ہے
سالہا سال وہ راتوں کا نہ سونا تیرا
Khiftaagaan-e-shab-e-ghaflat ko jaga deta hai
Saallha saal wo raato ka na sona tera
ہے تِری ذات عجب بحرِ حقیقت پیارے
کسی تیراک نے پایا نہ کنارا تیرا
Hai tiri zaat ajab bahr-e-haqeeqat pyaare
Kisi taeraak ne paaya na kinaara tera
جورِ پامالیٔ عالم سے اِسے کیا مطلب
خاک میں مل نہیں سکتا کبھی ذرَّہ تیرا
Jawr-e-pamaali-e-aalam se ise kya matlab
Khaak mein mil nahi sakta kabhi zarrah tera
کس قدر جوشِ تحیر کے عیاں ہیں آثار
نظر آیا مگر آئینہ کو تلوا تیرا
Kis qadar josh-e-tahayyur ke ayaan hain aasaar
Nazar aaya magar aaiyna ko talwa tera
گلشن ہند ہے شاداب کلیجے ٹھنڈے
واہ اے اَبر کرم زور برسنا تیرا
Gulshan Hind hai shadaab kaleje thande
Waah ae abr-e-karam zor barasna tera
کیا مہک ہے کہ مُعَطَّر ہے دماغِ عالم
تختۂ گلشنِ فردوس ہے روضہ تیرا
Kya mehak hai ke muattar hai damaagh-e-aalam
Takhta-e-gulshan-e-firdous hai rauza tera
تیرے ذرَّہ پہ مَعاصی کی گھٹا چھائی ہے
اس طرف بھی کبھی اے مہر ہو جلوہ تیرا
Tere zarrah pe ma'aasi ki ghata chhaai hai
Is taraf bhi kabhi ae mehr ho jalwa tera
تجھ میں ہیں تربیتِ خضر کے پیدا آثار
بحر و بر میں ہمیں ملتا ہے سہارا تیرا
Tujh mein hain tarbiyat-e-Khizr ke paida aasaar
Bahr o bar mein humein milta hai sahaara tera
پھر مجھے اپنا درِ پاک دکھا دے پیارے
آنکھیں پُر نور ہوں پھر دیکھ کے جلوہ تیرا
Phir mujhe apna dar-e-paak dikha de pyaare
Aankhein pur noor hon phir dekh ke jalwa tera
ظلِ حق غوث پہ ہے غوث کا سایہ تجھ پر
سایہ گستر سرِ خدام پہ سایہ تیرا
Zill-e-Haq Ghaus pe hai Ghaus ka saaya tujh par
Saaya gestor sar-e-khudaam pe saaya tera
تجھ کو بغداد سے حاصل ہوئی وہ شانِ رَفیع
دَنگ رہ جاتے ہیں سب دیکھ کے رُتبہ تیرا
Tujh ko Baghdad se haasil hui wo shaan-e-rafee'
Dang reh jaate hain sab dekh ke rutba tera
کیوں نہ بغداد میں جاری ہو ترا چشمۂ فیض
بحرِ بغداد ہی کی نہر ہے دریا تیرا
Kyun na Baghdad mein jaari ho tera chashma-e-fayz
Bahr-e-Baghdad hi ki nehr hai darya tera
کرسی ڈالی تری تخت شہ جیلاں کے حضور
کتنا اُونچا کیا اللہ نے پایا تیرا
Kursi daali teri takht Shah Jilaan ke huzoor
Kitna ooncha kiya Allah ne paaya tera
رَشک ہوتا ہے غلاموں کو کہیں آقا سے
کیوں کہوں رَشک دہِ بدر ہے تلوا تیرا
Rashk hota hai ghulamon ko kahin aaqa se
Kyun kahoon rashk deh-e-Badr hai talwa tera
بشر افضل ہیں مَلک سے تِری یوں مدح کروں
نہ مَلک خاص بشر کرتے ہیں مجرا تیرا
Bashar afzal hain malik se tiri yun madah karun
Na malik khaas bashar karte hain mujra tera
جب سے تو نے قدمِ غوث لیا ہے سر پر
اَولیا سر پہ قدم لیتے ہیں شاہا تیرا
Jab se tu ne qadam-e-Ghaus liya hai sar par
Auliya sar pe qadam lete hain shaaha tera
محیِ دیں غوث ہیں اور خوا جہ معین الدیں ہے
اے حسنؔ کیوں نہ ہو محفوظ عقیدہ تیرا
Mohi-e-deen Ghaus hain aur Khwaja Moeen al-Deen hai
Ae Hasan kyun na ho mehfooz aqeeda tera
Share This Naat
Share with friends and family
خواجۂ ہند وہ دَربار ہے اَعلیٰ تیرا
حسن رضا خان