شربت دید جو سرکار پلاتے جاتے
تشنگی میری نگاہوں کی بجھاتے جاتے
Sharbat deed jo sarkar pilate jate
Tishnagi meri nigahon ki bujhate jate
جس کو سینے سے حضور اپنے لگاتے جاتے
اس کی سوئی ہوئی تقدیر جگاتے جاتے
Jis ko seene se huzoor apne lagate jate
Us ki soyi hui taqdeer jagate jate
جشن میلاد نبی ایسے مناتے جاتے
جس جگہ جاتے تو ہم نعت سناتے جاتے
Jashn-e-meelad nabi aise manate jate
Jis jagah jate to hum naat sunate jate
عرصہ حشر میں یوم دھوم مچاتے جاتے
نام سرکار کے ہم گیت سناتے جاتے
Arsa-e-hashr mei yaum dhoom machate jate
Naam sarkar ke hum geet sunate jate
آپ کی مجھ پہ میرے آقا عنایت ہو گی
گر ٹھہر جائیں میرے گھر میں بھی جاتے جاتے
Aap ki mujhe mere aaqa inayat ho gi
Gar thehr jaayein mere ghar mei bhi jate jate
یا نبی آپ کا اتنا تو کرم ہو جائے
عمر گزرے مری دربار میں آتے جاتے
Ya nabi aap ka itna to karam ho jaye
Umr guzre meri darbaar mei aate jate
اپنے گھر بار کے صدقے میں رسولِ عربی
اپنی خوشبو سے مرے گھر کو بساتے جاتے
Apne ghar baar ke sadqe mein Rasool-e-Arabi
Apni khushbu se mere ghar ko basate jate
میں تو بس آپ کا ہوں آپ کا کہلاتا ہوں
مجھ نکمے سے بھی سرکار نبھاتے جاتے
Main to bas aap ka hoon aap ka kehlata hoon
Mujh nikammi se bhi sarkar nibhate jate
ہو ہی جاتا مری قسمت کا ستارا روشن
رُخ روشن کا جو دیدار کراتے جاتے
Ho hi jata meri qismat ka sitara roshan
Rukh roshan ka jo deedaar karate jate
چھانتا پھرتا ہوں میں خاک ابھی رستے کی
میری منزل بھی مجھے آپ دکھاتے جاتے
Chhanta phirta hoon main khaak abhi raste ki
Meri manzil bhi mujhe aap dikhate jate
مجھ کو گھیرا ہے مصائب نے صدا کس کو دوں
میرے لج پال مری بات بناتے جاتے
Mujh ko ghera hai masaib ne sada kis ko doon
Mere lajpaal meri baat banate jate
اُن کے عرفان کی دولت جو نیازی ملتی
ہم نصاب عشق کا خود پڑھتے پڑھاتے جاتے
Un ke irfan ki daulat jo Niazi milti
Hum nasab ishq ka khud parhte parhate jate
Share This Naat
Share with friends and family
شربت دید جو سرکار پلاتے جاتے
عبدالستار نیازی