جاذبِ نظر ایسی ہے فضا مدینے میں
وہ ہوا مدینے کا جو گیا مدینے میں
Jaazib-e-nazar aisi hai fiza Madine mein
Woh hawa Madine ka jo gaya Madine mein
ایک خطۂ عالی تک فقط نہیں محدود
رحمتوں کا موسم ہے جا بجا مدینے میں
Ek khitta-e-aali tak faqat nahi mahdood
Rehmaton ka mausam hai ja baja Madine mein
برکتِ کفِ پا سے دشت بن گئے گلشن
جب ہوئے قدم رنجہ مصطفیٰؐ مدینے میں
Barkat-e-kaf-e-pa se dasht ban gaye gulshan
Jab hue qadam ranja Mustafaؐ Madine mein
ہیچ جس کے آگے ہے دلکشی زمانے کی
رشکِ باغِ جنت ہے وہ فضا مدینے میں
Heech jis ke aage hai dilkashi zamane ki
Rashk-e-bagh-e-jannat hai woh fiza Madine mein
گردِ خاکِ طیبہ سے ہر کوئی شفا پائے
اس قدر مجرب ہے یہ دوا مدینے میں
Gard-e-khaak-e-taiba se har koi shifa paye
Is qadar mujarrab hai yeh dawa Madine mein
اہلِ بیت اطہر سے آپ کے صحابہ تک
جگمگاتے ہیں سب کے نقشِ پا مدینے میں
Ahl-e-bait athar se aap ke sahaba tak
Jagmagate hain sab ke naqsh-e-pa Madine mein
وہ نبیؐ کا شیدائی ہے دھنی مقدر کا
مصطفیٰؐ جسے دے دیں آسرا مدینے میں
Woh Nabiؐ ka sheedai hai dhani muqaddar ka
Mustafaؐ jise de dein aasra Madine mein
باہمی اخوت کا وہ پیام روشن ہے
آپ نے صحابہ کو جو دیا مدینے میں
Bahami akhuwwat ka woh paighaam roshan hai
Aap ne sahaba ko jo diya Madine mein
مانگیے دعا رب سے مصطفیٰؐ کے صدقے میں
رائگاں نہیں جاتی ہے دعا مدینے میں
Mangiye dua Rab se Mustafaؐ ke sadqe mein
Raigaan nahi jaati hai dua Madine mein
یہ بھی کم نہیں ہرگز معجزہ مدینے کا
آج تک نہیں آیا زلزلہ مدینے میں
Yeh bhi kam nahi hargiz moujza Madine ka
Aaj tak nahi aaya zalzala Madine mein
حاجتِ سکونِ دل ہے اگر تجھے احسؔن
چھوڑ ہند کا مسکن تو بھی جا مدینے میں
Hajjat-e-sukoon-e-dil hai agar tujhe Ahsan
Chhod Hind ka maskan tu bhi ja Madine mein
Share This Naat
Share with friends and family
جاذبِ نظر ایسی ہے فضا مدینے میں
احسن اعظمی