شرف مجھ کو ہر سال حج کا خدا دے
مدینہ بھی ہر بار مولیٰ دکھا دے
Sharf mujh ko har saal hajj ka Khuda de
Madina bhi har baar Moula dikha de
تو مکہ دکھا دے، مدینہ دکھا دے
مرے دل میں مکہ مدینہ بسا دے
Tu Makkah dikha de, Madina dikha de
Mere dil mein Makkah Madina basa de
شرف دِید کعبہ کا دیدے الٰہی!
مجھے سبز گنبد کا جلوہ دکھا دے
Sharf deed Kaaba ka dide ilahi!
Mujhe sabz gunbad ka jalwa dikha de
منیٰ کے دل آویز و دلکش نظارے
اسی سال مجھ کو خدایا دکھا دے
Mina ke dil aavez o dilkash nazare
Isi saal mujh ko Khudaya dikha de
میں اِحرامِ حج باندھ کر آؤں عرفات
سعادت خدا یہ برائے رضا دے
Main ihraam-e-Hajj bandh kar aoun Arafat
Saadat Khuda ye baraye raza de
الٰہی! تجھے واسطہ فاطمہ کا
محمد صَلَّی اللہُ عَلَیْہِ وَاٰلِہٖ وَسَلَّم کے قدموں میں مجھ کو قضا دے
Ilahi! tujhe wastaa Fatima ka
Muhammad SALLALLAHU ALAIHI WA AALIHI WASALLAM ke qadmon mein mujh ko qaza de
علی فاطمہ کا، حسین و حسن کا
وسیلہ بقیعِ مبارک میں جا دے
Ali Fatima ka, Hussain aur Hasan ka
Waseela Baqi mubarak mein ja de
جو ہجر مدینہ میں روتے ہیں یا ربّ!
اُنہیں بھی کرم سے مدینہ دکھا دے
Jo hijr Madina mein rote hain ya Rab!
Unhein bhi karam se Madina dikha de
ترے خوف سے تیرے پیارے کے غم میں
جو آنسو بہائے وہ آنکھ اے خدا دے
Tere khauf se tere pyare ke gham mein
Jo aansu bahae wo aankh ae Khuda de
تجھے واسطہ چار یاروں کا یا ربّ!
دکھا خواب میں جلوۂ مصطفی دے
Tujhe wastaa chaar yaaron ka ya Rab!
Dikha khwab mein jalwa-e-Mustafa de
عبادت میں لگ جائے دل یا الٰہی!
مرے دل سے غفلت کا پردہ ہٹا دے
Ibadat mein lag jaye dil ya Ilahi!
Mere dil se ghaflat ka parda hata de
خدا! نفس نے ہے تباہی مچائی
مری سب بُری خواہشوں کو مٹا دے
Khuda! nafs ne hai tabahi machai
Meri sab buri khwahishon ko mita de
سیہ ہے مرا سارا اعمال نامہ
الٰہی! سیاہی تو اِس کی مٹا دے
Siyah hai mera saara aamal nama
Ilahi! siyahi tu is ki mita de
مجھے نزع و قبر و قیامت میں مولیٰ
تو امن و اماں دے تو اپنی رِضا دے
Mujhe naza o qabr o qayamat mein Moula
Tu aman o amaan de tu apni riza de
تو نورِ محمد صَلَّی اللہُ عَلَیْہِ وَاٰلِہٖ وَسَلَّم کے صدقے میں یا ربّ!
کرم کر مری قبر کو جگمگا دے
Tu noor-e-Muhammad SALLALLAHU ALAIHI WA AALIHI WASALLAM ke sadqay mein ya Rab!
Karam kar meri qabr ko jagmaga de
مری مغفرت کر برائے صحابہ
جگہ خلد میں از پئے اولیا دے
Meri maghfirat kar baraye sahaba
Jagah khuld mein az peye auliya de
عذابِ جہنم سے خوف آ رہا ہے
مجھے بخش، کر درگزر ہر خطا دے
Azab-e-Jahannum se khauf aa raha hai
Mujhe baksh, kar darguzar har khata de
تجھے واسطہ شاہِ کرب و بلا کا
تو کر دور اللہ! رنج و بلا دے
Tujhe wastaa Shah-e-Karb o Bala ka
Tu kar door Allah! ranj o bala de
تو جسمانی بیماریاں دُور فرما
دے روحانی اَمراض سے بھی شفا دے
Tu jismani bimariyan door farma
de ruhani amraaz se bhi shifa de
مبارک ہو پھر ماہِ میلاد آیا
اے بھائی! تو گھر اور گلیاں سجا دے
Mubarak ho phir maah-e-milaad aaya
Ae bhai! tu ghar aur galiyan saja de
خدا! دے وہ عطارؔ کو سوزِ الفت
مدینے کے غم میں جو اِس کو رُلادے
Khuda! de wo Attar ko soz-e-ulfat
Madinay ke gham mein jo is ko rula de
Share This Naat
Share with friends and family
شرف مجھ کو ہر سال حج کا خدا دے
الیاس عطار قادری