شہرِ بطحا کا اذنِ سفر مانگ لو
شاہِ کونینؐ کا سنگِ در مانگ لو
Shehar-e-Batha ka izn-e-safar mang lo
Shah-e-Konain ﷺ ka sang-e-dar mang lo
مانگ لو دردِ دل عشقِ شاہِؐ زمن
چشمِ گریہ کناں چشمِ تر مانگ لو
Mang lo dard-e-dil ishq-e-Shah ﷺ Zaman
Chashm-e-giryah kunan chashm-e-tar mang lo
خوف جن کو نہیں اور نہیں کوئی غم
بے دھڑک اولیاء کی ڈگر مانگ لو
Khauf jin ko nahi aur nahi koi gham
Be-dhadak auliya ki dagar mang lo
قابلِ فخر کچھ تو ہو اعمال میں
مدحتِ مصطفیٰؐ کا ہنر مانگ لو
Qabil-e-fakhr kuch to ho aamaal mein
Maddah-e-Mustafa ﷺ ka hunar mang lo
ہو گی مقبول زائر تری ہر دُعا
رب تعالیٰ سے بابِ اثر مانگ لو
Ho gi maqbool zair teri har dua
Rab Ta'ala se bab-e-asar mang lo
خوفِ محشر ہو بخشش کی اُمید بھی
تھوڑی اُمید اور تھوڑا ڈر مانگ لو
Khauf-e-mahshar ho bakhshish ki umeed bhi
Thodi umeed aur thoda dar mang lo
حسنِ گفتار مِل جائے گا خود بخود
حسنِ کردار حسنِ نظر مانگ لو
Husn-e-guftar mil jaaye ga khud bakhud
Husn-e-kirdar husn-e-nazar mang lo
طاعتِ مصطفیٰؐ کے لیے دم بہ دم
جھکنے والی جبیں اور سر مانگ لو
Ta'at-e-Mustafa ﷺ ke liye dam ba dam
Jhukne wali jabeen aur sar mang lo
دُھوپ محشر میں اشفاقؔ ہو گی کڑی
چاہتِ مصطفیٰؐ کا شجر مانگ لو
Dhoop-e-mahshar mein Ashfaq ho gi kari
Chahat-e-Mustafa ﷺ ka shajar mang lo
Share This Naat
Share with friends and family
شہرِ بطحا کا اذنِ سفر مانگ لو
اشفاق احمد غوری