سارے جگ توں نرالیاں دسدیاں نے عربی سرکار دیاں گلیاں
کوہِ طُور تائیں شرمندہ کرن خالق دے یار دیاں گلیاں
Saare jag toon naraaliyaan dasdiyan ne Arabi sarkar diyaan galiyaan
Koh-e-Toor taa'ien sharminda karan khaaliq de yaar diyaan galiyaan
اوہدے جلوے خاک نوں نور کرن ذرّے ذرّے نوں بھرپُور کرن
بھلا جنّت کد منظور کرن جنّھاں ڈِٹھیاں یار دیاں گلیاں
Ohde jalwe khaak noon noor karan zarrey zarrey noon bharpoor karan
Bhalla jannat kad manzoor karan jinnaan ditthiyaan yaar diyaan galiyaan
پُچھ جبرائیل امین کولوں پُچھ مالِکِ یَومِ الدِّیْن کولوں
چنگیاں نے عرش بریں کولوں مَدنی دلدار دیاں گلیاں
Puchh Jibraeel Ameen kolon puchh Maalik-e-Yawm-ud-Deen kolon
Changiyaan ne Arsh-e-Bareen kolon Madni dilDaar diyaan galiyaan
میری آس پُکارے یا مولا سُتّے لیکھ جگاوے یا مولا
اک وار دکھا دے یا مَولا سوہنی سرکار دیاں گلیاں
Meri aas pukaare ya Maula sutte lekh jagaave ya Maula
Ik waar dikha de ya Maula sohoni sarkar diyaan galiyaan
اعظؔم کیہہ سانوں دَسنا ئیں ، کیوں دل پیا ساڈا کھسنا ئیں
سانوں کیہڑا کعبہ دسنا ئیں ساڈا کعبہ یار دیاں گلیاں
Aazam kehh saanun dasnaain, kyon dil piya saada khisnaain
Saanun kehra Ka'ba dasnaain saada Ka'ba yaar diyaan galiyaan
Share This Naat
Share with friends and family
سارے جگ توں نرالیاں دسدیاں نے
محمد اعظم چشتی