جیتا ہوں مرے آقا ! فُرقت کے عذابوں میں
ہو جائے وصال آخر اِک بار تو خوابوں میں
Jeeta hoon mere Aaqa! Furqat ke azaabon mein
Ho jaye visaall aakhir ik baar to khwabon mein
طیبہ سے ہَوا شاید اِس بار نہیں آئی
’’خُوشبو نہ رہی باقی اِمسال گُلابوں میں‘‘
Tayyaba se hawa shayad is baar nahi aayi
"Khusbu na rahi baqi ismaal gulaabon mein"
توصیف خدا جن کی قرآن میں کرتا ہے
آتی ہے کہاں اُن کی توصیف حسابوں میں
Tauseef Khuda jin ki Quraan mein karta hai
Aati hai kahan unki tauseef hisaabon mein
یہ عُمر شہا ! میری حسرت میں ہی بِیتی ہے
دیدار کرا دیجے اِک بار تو خوابوں میں
Yeh umar shaha! Meri hasrat mein hi beeti hai
Deedaar kara dije ik baar to khwabon mein
آمد کا تری مژدہ دیتے ہیں رسول، آقا !
ہے ذکر ترا شاہا ! اُن کی بھی کتابوں میں
Aamad ka teri mujda dete hain Rasool, Aaqa!
Hai zikr tera shaha! Unki bhi kitaabon mein
ہوتا جو عیاں سارا ، پھر طُور کئی جلتے
جو حُسن ترا شاہا ! رہتا ہے نقابوں میں
Hota jo ayaan sara, phir toor kai jalte
Jo husn tera shaha! Rehta hai naqaabon mein
دیکھا ہے جسے برسوں جبریل امیں نے بھی
تھے آپﷺ وہی تارا، رحمت کے حجابوں میں
Dekha hai jise barson Jibraeel ameen ne bhi
The aapﷺ wahi taara, rehmat ke hijaabon mein
ترے عشق کی مستی نے سرشار کیا جیسا
وہ کیف کہاں ہوگا سرکار ! شرابوں میں
Tere ishq ki masti ne sarshaar kiya jaisa
Wo kaif kahaan hoga sarkar! sharaabon mein
وہ آبِ وضو تیرا ہاتھوں پہ اُٹھا لینا
یہ بات کہاں آقاﷺ ! ملتی ہے نصابوں میں
Wo aab-e-wazu tera haathon pe uthha lena
Yeh baat kahan aaqaﷺ ! Milti hai nisaabon mein
گو عُمر خطیبوں کی توصیف میں گزری ہے
پر کوئی نہ کر پایا انصاف خطابوں میں
Go umar khateebon ki tauseef mein guzri hai
Par koi na kar paaya insaaf khataabon mein
بس یہ ہی حقیقت ہے،ہیں بعدِ خُدا ، آقا ﷺ
کیوں ٹھوکریں کھاتے ہو تُم یار ،سرابوں میں
Bas yehi haqeeqat hai, hain baad-e-Khuda, Aaqa ﷺ
Kyun thokarein khaate ho tum yaar, sharaabon mein
لِلّٰہ غُلاموں کی سرکار ﷺ ! خبر لیجے
کشمیر کی جنت ہے محصور قصابوں میں
Lillah gulamon ki sarkaar ﷺ ! khabar lije
Kashmir ki jannat hai mahsur qasaabon mein
بے مایہ ہیں یہ لیکن جذبوں میں حرارت ہے
ہر آن قدم اِن کے رہتے ہیں رکابوں میں
Be maaya hain ye lekin jazboon mein hararat hai
Har aan qadam in ke rehte hain rikaabon mein
ہے بُھول تِری دُشمن ! سمجھا یہ ممولے ہیں
للکار ہے شیروں کی ، پرواز عُقابوں میں
Hai bhool teri dushman ! samjha ye mamoolay hain
Lalkaar hai sheron ki, parwaaz uqabon mein
ہم نے تو جلیل اُن سا کوئی بھی نہیں دیکھا
دنیا میں نہ عقبیٰ میں مصحف نہ کتابوں میں
Hum ne to Jaleel un sa koi bhi nahi dekha
Duniya mein na uqba mein mushaf na kitaabon mein
Share This Naat
Share with friends and family
جیتا ہوں مرے آقا
حافظ عبدالجلیل