سر شام گنبدِ سبز تک جو با احترام نظر گئی
تمہیں کیا بتاؤں جو اس گھڑی دل مضطرب پہ گزر گئی
sir-e-shaam gunbad-e-sabz tak jo ba ehtiraam nazar gayi
tumhein kya bataoon jo us ghari dil muz tarib pe guzr gayi
جو تجلیوں کا نزول تھا ‘ مری روح میں وہ سما گیا
جو فضا میں نکہت خا ص تھی وہ مشامِ جاں تک اتر گئی
jo tajaliyoon ka nazool tha ' meri rooh mein wo sama gaya
jo fiza mein nukhat khaas thi wo mashaam-e-jaan tak utr gayi
جو تمام نکہت و نور ہے ‘ مجھے اس دیار میں یوں لگا
کہ سواری میرے حضور ﷺ کی ابھی اس طرف سے گزر گئی
jo tamaam nukhat o noor hai ' mujhe us diyar mein yun laga
ke sawari mere Huzoor ﷺ ki abhi us taraf se guzr gayi
میں درِ رسول ﷺ تک آگیا ‘ مجھے اور کچھ نہیں چاہیے
مری آنکھ بجھ گئی تو کیا‘ مری زندگی تو سنور گئی
main dar-e-Rasool ﷺ tak aagaya ' mujhe aur kuch nahi chahiye
meri aankh bujh gayi to kya ' meri zindagi to sanwar gayi
مجھے مل گئیں مری منزلیں ‘ کبھی یہ حرم ‘کبھی وہ حرم
کوئی روشنی مرے ساتھ تھی ‘ مَیں جدھر گیا وہ اُدھر گئی
mujhe mil gain meri manzilen ' kabhi ye haram ' kabhi wo haram
koi roshni mere saath thi ' main jidhr gaya wo udhr gayi
مرے قافلے نے ستم کیا ‘ مجھے آستاں سے اٹھا لیا
وہ سکونِ قلب و نظر گیا ‘ وہ بہارِ شام وسحر گئی
mere qafle ne sitam kiya ' mujhe aastan se utha liya
wo sukoon-e-qalb o nazar gaya ' wo bahar-e-shaam wa sehr gayi
یہ جسد ہے میرا جو گھر میں ہے ‘ مری روح اب کہیں اور ہے
مِری بات اس نے سنی نہیں ‘ وہ حجاز ہی میں ٹھہر گئی
ye jassad hai mera jo ghar mein hai ' meri rooh ab kahin aur hai
meri baat us ne suni nahi ' wo Hijaz hi mein theharr gayi
Share This Naat
Share with friends and family
سر شام گنبدِ سبز تک جو با احترام نظر گئی
پروفیسراقبال عظیم