سر رکھدے یار دے قدماں تے تیری عشق نماز ادا ہووے
سر رکھ کے چک نہ بیٹھیں ایویں کتے پڑھی ہوئی وی نہ قضا ہووے
Sar rakh de yaar de qadmam te teri ishq namaz ada howe
Sar rakh ke chak na baithain evain kadhay parhi hoi vi na qaza howe
جے رس دی دنیا رس جاوے پر یار خفا نہ ہو جاوے
لا ایسی پریت کہ مر کے وی اوہدی یاد نہ دل تھیں جدا ہووے
Je russ di duniya russ jaave par yaar khafa na ho jaave
La aisi preet ke mar ke vi ohdi yaad na dil thiyon juda howe
جگ سارا چھڈ کے محبوبا میں آن ڈگا در تیرے تے
در در کر دے بھاویں پر کر دے جیویں سوہنیا تیری رضا ہووے
Jug saara chad ke mahibooba main aan daga dar tere te
Dar dar kar de bhaawein par kar de jiwein sohaniya teri raza howe
ترا کرم ہووئے گل بن دی اے رحمت دی چادر تن دی اے
میں پتلا جرم خطاواں دا میری سوہنیاں معاف خطا ہووے
Tera karam howe gul ban di ae rehmat di chadar tan di ae
Main patla jurm khatawa da meri sohaniya maaf khata howe
اج ایناں کرم کما ساقی اکھیاں دی پیاس بجھا ساقی
جیہڑے آگئے تیرے مے خانے ہر اک نوں جام عطا ہووے
Aj ainaan karam kama saaqi akhiyan di piyaas bujha saaqi
Jehray aagaye tere mai Khaane har ak noon jaam ata howe
میری آس دا گلشن کھل جاوے اج جو منگاں اوہ مل جاوے
کر نظر نصیباں وچ میرے طیبہ دی ٹھنڈی ہوا ہووئے
Meri aas da gulshan khil jaave aj jo manga o mil jaave
Kar nazar naseeban vich mere taiba di thandi hawa howe
جدوں بارشاں ہوون نور دیاں جدوں گھڑیاں آون سرور دیاں
اودوں رکھناں یاد نیازی نوں میرے لئی خاص دعا ہووے
Jadon baarishan howan noor diyaan jadon ghariyaan aavan saroor diyaan
Odon rakhna yaad Niazi noon mere lei khaas dua howe
Share This Naat
Share with friends and family
سر رکھدے یار دے قدماں تے تیری عشق نماز ادا ہووے
عبدالستار نیازی