سر مرا آپؐ کی دہلیز سے جب لگتا ہے
سانس لینا بھی مجھے سوء ادب لگتاہے
Sir mera aapؐ ki dehleez se jab lagta hai
Sans lena bhi mujhe su-e-adab lagta hai
بات کرتے ہوئے دیکھا ہے نبیؐ کو میں نے
ہر سخن ترجمہء آیہء رب لگتا ہے
Baat karte hue dekha hai Nabiؐ ko maine
Har sakhan tarjuma-e-aayah-e-Rab lagta hai
صُلب آدم سے بھی پہلے تھا محمدؐ کا وجود
نور خلّاقِ جہاں اُن کا نسب لگتا ہے
Sulb-e-Adam se bhi pehle tha Muhammadؐ ka wujood
Noor-e-Khalaq-e-jahan un ka nasab lagta hai
میرے آقاؐ کی حضوری میں کشش ہے کتنی
سر سے پیروں تلک انسان طلب لگتا ہے
Mere aqaؐ ki hazoori mein kashish hai kitni
Sar se pairon talak insaan talab lagta hai
دیکھتا ہوں انھیں ہر سانس پہ آتے جاتے
حجرہ روح بھی صحرائے عرب لگتا ہے
Dekhta hoon inhein har sans pe aate jaate
Hujra-e-rooh bhi sehra-e-Arab lagta hai
در و دیوار حرم بھی پڑھا کرتے ہیں درود
چُپ کا انداز بھی پیرایہء لب لگتا ہے
Dar o deewar haram bhi parha karte hain durood
Chup ka andaaz bhi peraya-e-lab lagta hai
کوئی بیماری باطن نہیں رہنے پاتی
آپؐ کا دھیان بھی ذہنوں کا مطب لگتا ہے
Koi bimari-e-batin nahi rehne paati
Aapؐ ka dhyan bhi zehno ka matab lagta hai
کتنے دن رہ کے مدینے میں مظفر دیکھا
گلی کوچوں کا نظارہ بی غضب لگتا ہے
Kitne din reh ke Madine mein Muzaffar dekha
Gali kochon ka nazara be ghazab lagta hai
Share This Naat
Share with friends and family
سر مرا آپؐ کی دہلیز سے جب لگتا ہے
مظفر وارثی