کر نظر کرم دی محبوبا ہُن درد سوائے ہو گئے نے
اک تیرے باہجوں غمخوارا سب لوگ پرائے ہو گئے نے
Kar nazar karam di mahbooba hun dard sawae ho gaye ne
Ik tere bahjon ghamkhwara sab log parae ho gaye ne
مک راحت دی ہر لہر گئی ڈھل خوشیاں دی دو پہر گئی
ہُن دونے تینے قد نالوں آلام دے سائے ہو گئے نے
Muk raahat di har lehr gayi dhall khushiyan di do pahar gayi
Hun donea teene qadd nalon alaam de saye ho gaye ne
کنج زہر غماں دا پی سکناں، خود دسو کیویں جی سکناں
تیار مدینے ول سارے میرے ہمسائے ہو گئے نے
Kanj zahr ghamaan da pi sakna, khud daso keon jee sakna
Tayyar Madeene wal sare mere hemsaaye ho gaye ne
ہنجواں دے نَشتر پھر پھر کے ، ہر روز مسلسل چر چر کے
ہُن ہور وی زخمی نین مرے ایہہ خُون ڈبائے ہو گئے نے
Hanjoan de nashtr phir phir ke, har roz musalsal char char ke
Hun hor vi zakhmi nain mere eh khoon dubae ho gaye ne
اک گل مینوں سمجھاندی جا طیبہ دی یاد ودھاندی جا
کیوں ہو کے تتے صائم دے ایہہ ٹھنڈے وائے ہو گئے نے
Ik gal mainu samjhadi ja Taiba di yaad vadhadi ja
Kyo ho ke tatte Sa'im de eh thande vae ho gaye ne
Share This Naat
Share with friends and family
کر نظر کرم دی محبوبا ہُن درد سوائے ہو گئے نے
علامہ صائم چشتی