سر بہ خم کاسہ بکف کوچۂ اقدس میں رہے
گوہرِ جود و عطا دامنِ بے کس میں رہے
sir ba kham kasa bakaf koocha-e-aqdas mein rahe
gohar-e-jood o ata daman-e-bekas mein rahe
میرے سینے میں رہے خلدِ مدینہ کی تڑپ
جستجوئے شہِ ابرار ہر اک نس میں رہے
mere seene mein rahe khuld-e-madina ki tarp
justoju-e-shah-e-abrar har ak nas mein rahe
خود رہے ٹاٹ کے پیوند لگے کپڑوں میں
ان کے پروردہ سدا ریشم و اطلس میں رہے
khud rahe taat ke pewand lage kapro mein
un ke parwarda sada reshman o atlas mein rahe
خواہشِ دیدِ شہِ کون و مکاں لاتی ہے
ورنہ یوں کون بھلا قبر کے محبس میں رہے
khwahish-e-deed-e-shah-e-kaun o makan lati hai
warna youn kaun bhala qabar ke mehbass mein rahe
مژدۂ صبحِ مدینہ ہو عنایت یا رب
کیوں غلامِ شہِ انوار اماوس میں رہے
mujda-e-subh-e-madina ho inayat ya rab
kyun ghulam-e-shah-e-anwaar amawas mein rahe
سلکِ مدحت نے جنہیں جوڑ دیا تھا باہم
عمر بھر شیر و شکر لوگ وہ آپس میں رہے
salk-e-madhat ne jinhein jorh diya tha bahem
umar bhar shear o shakar log wo aapas mein rahe
بہرِ مدحت جسے جب چاہا جھکایا میں نے
دست بستہ سبھی الفاظ مرے بس میں رہے
behar-e-madhat jise jab chaha jhukaya mein ne
dast basta sabhi alfaz mere bas mein rahe
شہرِ انوار میں اشفاق یہ احساس ہوا
ہم عبث آج تلک ورطۂ عسعس میں رہے
shehar-e-anwaar mein ashfaq ye ehsas hua
hum abas aaj talak wartah-e-asas mein rahe
Share This Naat
Share with friends and family
سر بہ خم کاسہ بکف کوچۂ اقدس میں رہے
اشفاق احمد غوری