سَر اگر آپؐ کے نقشِ کفِ پا تک پہنچے
مرتبہ اِتنا بڑھے عرشِ عُلٰے تک پہنچے
Sar agar aapؐ ke naqsh-e kaf-e paa tak pohnche
Maratba itna badhe arsh-e u'la tak pohnche
یا محمدؐ! بخداہست ہمِیں اِیمانَم
آپؐ کے دَر پر جو پہنچے، وہ خدا تک پہنچے
Ya Muhammadؐ! bakhudahast humin imaanam
Aapؐ ke dar par jo pohnche, woh Khuda tak pohnche
اُس کا بندہ ہُوں کہ ہر چیز ہے جس کی محتاج
ہاتھ اُٹّھتے ہی اثر میری دُعا تک پہنچے
Us ka banda hoon ke har cheez hai jis ki mohtaaj
Hath uthte hi asar meri dua tak pohnche
وہ گدا ہے جو سوالی ہو درِ قاروں پر
وہ غنی ہے جو ترے بابِ سخا تک پہنچے
Woh gada hai jo sawaali ho dar-e qaron par
Woh ghani hai jo tere baab-e sakha tak pohnche
اک ترے سایۂ رحمت نے کیا آسودہ
لاکھ اربابِ ستم قہر و جفا تک پہنچے
Ik tere saaya-e rehmat ne kiya aasuda
Laakh arbaab-e sitam qahr o jafa tak pohnche
ہے یہی عشق، یہی عجز، عقیدت بھی یہی
تیری تعظیم کو ہم غارِ حِرا تک پہنچے
Hai yehi ishq, yehi ajz, aqeedat bhi yahi
Teri ta'zeem ko hum ghār-e hirā tak pohnche
مَنّتیں مانے، دُعا مانگے، وسیلہ ڈھونڈے
تب کہیں شاہ کوئی اُن کے گدا تک پہنچے
Mannatein mane, dua mange, waseela dhoonde
Tab kahin shah koi un ke gada tak pohnche
کم نہیں ہے یہی سرکارِؐ دو عالَم کا کرم
ہم نصیرؔ اُن کے توسُّل سے خدا تک پہنچے
Kam nahi hai yehi Sarkar-eؐ dou alam ka karam
Hum Nasirؔ un ke toassul se Khuda tak pohnche
Share This Naat
Share with friends and family
سَر اگر آپؐ کے نقشِ کفِ پا تک پہنچے
سید نصیرالدیں نصیر