زندگی کا قرینہ ملا آپ سے
نعت کا بھی خزینہ ملا آپ سے
Zindagi ka qareena mila aap se
Naat ka bhi khazeena mila aap se
دل کی تاریکیوں میں ضیا آ گئی
ایک روشن ہوا ہے دیا آپ سے
Dil ki taarikiyon mein ziya aa gayi
Ek roshan hua hai diya aap se
دور طیبہ سے رہ کر بھی دوُری نہیں
رابطہ میری جاں کا ہوا آپ سے
DooR tayyaba se reh kar bhi dooRi nahi
Raabta meri jaan ka hua aap se
میرے گلشن سے خوشبو ہے آنے لگی
جب سے مہکا پسینہ ملا آپ سے
Mere gulshan se khushbu hai aane lagi
Jab se mehka paseena mila aap se
جس طرف سے سواری گزرتی گئی
ہو گیا کہکشاں راستہ آپ سے
Jis taraf se sawari guzarti gayi
Ho gaya kehkashaan raasta aap se
ورد صلے علی کا میں کرتی رہی
فیض مجھ کو ملا بے بہا آپ سے
Wird sala ala ka mein karti rahi
Faiz mujh ko mila bay baha aap se
جب سے زہرہ کے در کی غلامی ملی
مل گئے ہیں خزانے شہا آپ سے
Jab se Zahra ke dar ki ghulami mili
Mil gaye hain khazane shaha aap se
رحمتیں مل گئیں روشنی آ گئی
حالِ دل ناز نے جب کہا آپ سے
Rehmatain mil gain roshni aa gayi
Haal-e-dil Naaz ne jab kaha aap se
Share This Naat
Share with friends and family
زندگی کا قرینہ ملا آپ سے
صفیہ ناز