جس کسی کی طرف وہ نظر کر گیا
اُن کا چہرہ ہر اک دل میں گھر کر گیا
Jis kisi ki taraf wo nazar kar gaya
Un ka chehra har ik dil mein ghar kar gaya
آیا جو بھی نگاہوں میں تیری شہا
’’تیری آنکھوں کا جلوہ اثر کر گیا‘‘
Aaya jo bhi nigaahon mein teri sheha
"Teri aankhon ka jalwa asar kar gaya"
آنے والا اگرچہ نِرا خام تھا
تیرا دستِ کرم با ہُنر کر گیا
Aanay wala agarche nira khaam tha
Tera dast-e-karam ba hunar kar gaya
تیرے چہرے کا جلوہ مرے دلرُبا
میرے روشن سبھی بام و در کر گیا
Tere chehre ka jalwa mere dilruba
Mere roshan sabhi baam o dar kar gaya
سنگ ریزوں کو تونے کیا مہر و مہ
لمس تیرا خذف کو گُہر کر گیا
Sang reezon ko tone kiya mehr o meh
Lams tera khazaf ko guhar kar gaya
تیری چشمِ کرم کا عجب فیض ہے
اک نظر سے ہی مٹی کو زر کر گیا
Teri chashm-e-karam ka ajab faiz hai
Ik nazar se hi miti ko zar kar gaya
پھینکنا ریت ، دُشمن پہ آقا ! ترا
سارے لشکر کو زیر و زبر کر گیا
Phainkna rait, dushman pe aaqa ! tera
Saare lashkar ko zer o zabar kar gaya
بدر میں مُعجزہ ، تیرا لشکر شہا
اک بنا تیر و تیغ و سپر کر گیا
Badr mein maujza, tera lashkar sheha
Ik bana teer o tegh o sipar kar gaya
میں نے جو اُس کو بھیجا درود و سلام
وہ اُسے میرا رختِ سفر کر گیا
Maine jo us ko bheja durood o salaam
Woh usay mera rakht-e-safar kar gaya
تیرا محبوب ہونا مجھے مستقل
تیرے در کا ہی دریوزہ گر کر گیا
Tera mehboob hona mujhe mustaqil
Tere dar ka hi daryoza gar kar gaya
رُک گئے جا کے جبریل بھی جس جگہ
میرا آقا وہ منزل بھی سر کر گیا
Ruk gaye ja ke Jibreel bhi jis jagah
Mera aaqa wo manzil bhi sar kar gaya
لو جلیل ، آ گیا ہے مرا مصطفٰی
اور آتے ہی سینے میں گھر کر گیا
Lo Jaleel, aa gaya hai mera Mustafa
Aur aate hi seene mein ghar kar gaya
Share This Naat
Share with friends and family
جس کسی کی طرف وہ نظر کر گیا
حافظ عبدالجلیل