ثنا ان کی ہر دم زباں پر رہے گی
ارم میں رہے گی یہاں پر رہے گی
Sana un ki har dum zubaan par rahe gi
Aram mein rahe gi yahan par rahe gi
بشر بھی کریں گے ملک بھی کریں گے
یہ مدحت زمیں آسماں پر رہے گی
Bashar bhi karen ge malak bhi karen ge
Ye madah zameen aasmaan par rahe gi
مسلماں جو عاشق ہیں سیرت کے ہر دم
لگام ان کی اپنی زباں پر رہے گی
Musalmaan jo aashiq hain seerat ke har dum
Lagaam un ki apni zubaan par rahe gi
ملے گا نہ جب تک دیارِ محمد
مرے دل کی دنیا وہاں پر رہے گی
Miley ga na jab tak dayaar-e-Muhammad
Merey dil ki duniya wahan par rahe gi
اگر مومنوں کے یہ دل میں نہ اترے
تو الفت مؤدت کہاں پر رہے گی
Agar momino ke ye dil mein na utre
To ulft mo'adat kahaan par rahe gi
محمد کے بیٹے سے بیعت نہ مانگو
تلاوت وگرنہ سناں پر رہے گی
Muhammad ke betay se bay'at na maango
Tilawat wagarna sana par rahe gi
بعید از قیامت بھی ان کے کرم سے
سدا حمد و مدحت زباں پر رہے گی
Baeed az qayaamat bhi un ke karam se
Sada hamd-o-madah zubaan par rahe gi
خودی کی حفاظت کرے گا جو بندہ
نظر اس کی سارے جہاں پر رہے گی
Khudi ki hifazat kare ga jo banda
Nazar us ki saare jahaan par rahe gi
حدیں کچھ بنائی ہیں میرے خدا نے
حدوں کی حفاظت جواں پر رہے گی
Hadain kuch banai hain merey Khuda ne
Hadon ki hifazat jawaan par rahe gi
نظر مصطفیٰ کی یہ حرمت پہ قائم
عدو کے یہ تیر و کماں پر رہے گی
Nazar Mustafa ki ye hurmat pe qaim
Adu ke ye teer-o-kamaan par rahe gi
Share This Naat
Share with friends and family
ثنا ان کی ہر دم زباں پر رہے گی
سید حب دار قائم