صاحِبِ شان و ذی وقار حضور
جو ہیں محبوبِ کِردگار حضور
Saahib-e-shan-o-zi-waqaar Huzoor
Jo hain mehboob-e-Kirdagaar Huzoor
غمزدوں کے ہیں غمگُسار حضور
بے قراروں کے ہیں قرار حضور
Ghamzadoon ke hain ghamgusar Huzoor
Beqaaroon ke hain qaraar Huzoor
میں گُناہوں پہ شرمسار حضور
ہے کرم آپ کا شِعار حضور
Main gunnahon pe sharmsaar Huzoor
Hai karam aap ka shiaar Huzoor
لامکاں کے مکین ہیں آقا
عرش سے بھی گئے ہیں پار حضور
LaMakan ke maqeen hain aaqa
Arsh se bhi gaye hain paar Huzoor
آپ محبوبِ کبریا ٹھہرے
جان و دل آپ پر نثار حضور
Aap Mehboob-e-Kibriya thehre
Jaan-o-dil aap par nisaar Huzoor
نامداروں میں نام ہے اُونچا
تاجداروں کے تاجدار حضور
Namdaron mein naam hai ooncha
Taajdaron ke taajdaar Huzoor
کردیا غیب حق تعالیٰ نے
آپ پر سب ہی آشکار حضور
Kar diya ghaib Haq Ta'ala ne
Aap par sab hi aashkaar Huzoor
سخت بیمار ہُوں گُناہوں کا
دو شِفا بہرِ چار یار حضور
Sakht beemaar hoon gunnahon ka
Do shifa bahr-e-char yaar Huzoor
بات اپنی بِگاڑتا ہُوں میں
اور بناتے ہیں بار بار حضور
Baat apni bigaarta hoon main
Aur banate hain baar baar Huzoor
حشر میں لاج آپ ہی رکھنا
ہے گُناہوں کا سر پہ بار حضور
Hashr mein laaj aap hi rakhna
Hai gunnahon ka sar pe baar Huzoor
منہ خِزاں کا نہ عمر بھر دیکھوں
وہ عطا کیجئے بہار حضور
Munn khizaan ka na umr bhar dekhoon
Wo ata kijiye bahaar Huzoor
وہ کرم کیجئے دمِ آخر
میرے لب پر ہو بار بار حضور
Wo karam kijiye dam-e-akhir
Mere lab par ho baar baar Huzoor
وہ مسلمان خُلد پہنچے گا
آپ سے جس کو ہوگا پیار حضور
Wo muslamaan khuld pahuche ga
Aap se jis ko ho ga pyaar Huzoor
ہو نظر اپنے سب غلاموں پر
سارے ہوجائیں دیندار حضور
Ho nazar apne sab ghulamon par
Saaray ho jayein deendar Huzoor
اپنے مرزا پہ ہر گھڑی رکھنا
رحمتیں اور اپنا پیار حضور
Apne Mirza pe har ghadi rakhna
Rahmatain aur apna pyaar Huzoor
Share This Naat
Share with friends and family
صاحِبِ شان و ذی وقار حضور
مرزا جاوید بیگ عطاری