مینوں لے چلو اوہناں راہواں تے سوہنے نے جدھروں آؤنا اے
میں وی دھوڑ اکھاں وچ پانی ایں میں وی ستا بھاگ جگاؤنا اے
Mainu le chalo ohna raahan te sohne ne jidhro auna ae
Main vi dhoor akhan vich paani aan main vi sata bhaag jagouna ae
جدوں شور پوے اوہدے آون دا مینوں قدماں ولے کر دینا
میں وی یار دے سوہنیاں جوڑیاں نوں چم چم اکھیاں تے لاؤنا اے
Jado shor pue ohde aavan da mainu kadman vale kar dena
Main vi yaar de sohnian jodiyan nu cham cham akhiyan te laouna ae
ہویاں مدتاں ترے لیندیاں نوں فرقت دے صدمے سہندیاں نوں
کدوں کرماں ماریاں نیناں نیں دیدار سجن دا پاؤنا اے
Hoyan madtaan tre lehdian nu furqat de sadme sahndian nu
Kadon karmaan maarian nainaan ne deedaar sajan da paouna ae
نہ گن پلے، نہ چج کوئی، نہ ناز بہانہ، پج کوئی
میں کملی کوہجی کیہہ جاناں کویں رسیا یار مناؤنا اے
Na gun pale, na chaj koi, na naaz bahana, paj koi
Main kamli kohji kehan jaana kivein resya yaar mannaouna ae
دل حشر دے دن توں ڈر جاندا پر اک گل سن کے ٹھر جاندا
سنیاں اوہنے او گنہاراں نوں کملی دے ہیٹھ چھپاؤنا اے
Dil hashar de din ton darr jaanda par ik gal sun ke tharr jaanda
Sunia ohne o gunharaan nu kamli de heeth chhapaouna ae
نہ روک سجن دے بوہے توں اکھیاں نوں ریجھاں لاہون دے
میرے ہنجواں دیاں موتیاں نے مدتاں دے قرض چکاؤنا اے
Na rok sajan de bohe ton akhiyan nu reejhaan laahunde
Mere hanjuaan diyan motian ne madtaan de qarz chakkouna ae
دن رات ظہوریؔ ساڈا تے ایخو ای ورد وظیفہ اے
سرکار دیاں شیدائیاں نوں سرکار دا ذکر سناؤنا اے
Din raat Zahoori saada te eikho e verd vazifa ae
Sarkar diyan shedaaiyan nu sarkar da zikr sanaouna ae
Share This Naat
Share with friends and family
مینوں لے چلو اوہناں راہواں تے سوہنے
محمد علی ظہوری