پلکاں دے اوہلے چمکے تارے حضوریاں دے
کتھے نظر تے کتھے جلوے حضوریاں دے
Palkaan de ohle chamke taare huzooryaan de
Kithe nazar te kithe jalwe huzooryaan de
ویران اکھّیاں چوں اتھرو وی مُک گئے جد
تدجا کے کدھرے پنگرے جذبے حضوریاں دے
Weeraan akhiyan choon athroo vi muk gaye jad
Tajaa ke kadhare pangre jazbe huzooryaan de
پینڈے جدائیاں والے ہس ہس کے جنہاں جھاگے
رج رج کے اوہناں پائے بخرے حضوریاں دے
Painde judaaiyaan wale has has ke jinhan jhaage
Raj raj ke ohnan paye bkhre huzooryaan de
مینوں وچ اُس نگر دی وسَوں نصیب ہووے
لگے ای رہن جتھے میلے حضوریاں دے
Mainu vich us nagar di wasso naseeb hove
Lage e rehan jithe mele huzooryaan de
پاندا اے ٹھنڈ گنبد‘ دیندی اے نور جالی
ونڈ دے نیں سارے منظر تحفے حضوریاں دے
Paanda ae thand gumbad, dindi ae noor jaali
Wand de ne saare manzar tohfe huzooryaan de
وسَے سدا دوارا میرے حضورؐ والا
پاندی رہوے خدائی صدقے حضوریاں دے
Wasse sada duara mere huzoor wala
Paandi rahove khudai sadqe huzooryaan de
اک دکھ سی بلالیؔ‘ اک اکھ سی اویسیؔ
سن رنگ وکھو وکھرے کِنّے حضوریاں دے
Ik dukh si Bilali, ik akh si Owaisi
Sun rang vakho vakhre kinne huzooryaan de
جنہاں دے وچ سمایا ارمان حاضری دا
اوہناں سراں تے بجھے سہرے حضور یاں دے
Jinhan de vich samaya arman haaziri da
Ohnan saraan te bajhe sehre huzooryaan de
لگدا اے ہن بلاوا تائبؔ اے اون والا
ہر ویلے اون لب تے سو ہلے حضوریاں دے
Lagda ae han balawa Taib ae oan wala
Har vele oan lab te sohle huzooryaan de
Share This Naat
Share with friends and family
پلکاں دے اوہلے چمکے تارے حضوریاں دے
حفیظ تائب