ایک عاصی آج ہوتا ہے ثناخوانِ رسولؐ
دیکھیں کیا صادر ہوا س کے حق میں فرمانِ رسولؐ
Ek aasi aaj hota hai sana-khwan-e-Rasoolؐ
Dekhein kya sadir hua is ke haq mein farmaan-e-Rasoolؐ
چند آنسو ‘ چند نعتیں ‘ چند گلہائے درود
لے کے آئے ہیں یہ نذرانے گدایانِ رسولؐ
Chand aansu, chand naatein, chand gulaaye darood
Le ke aaye hain yeh nazrane gadaayan-e-Rasoolؐ
اپنی فردِ جرم ہاتھوں میں لیے باچشم نم
سوئے طیبہ جارہے ہیں پابجولانِ رسولؐ
Apni fird-e-jurm hathon mein liye ba chashm nam
Soye Taiba ja rahe hain pa bajolan-e-Rasoolؐ
آج دربارِ حرم میں بٹ رہے ہیں کچھ خطاب
سامنے رکھی ہے فہرست غلامانِ رسولؐ
Aaj darbaar-e-haram mein bat rahe hain kuch khitab
Samne rakhi hai fehrist ghulaman-e-Rasoolؐ
شرط یہ ہے کہ اس میں شامل ہو ندامت کا خلوص
ؐایک آنسو بھی بہت ہے ‘ شرمسارانِ رسول
Shart yeh hai ke is mein shamil ho nadamat ka khuloos
ؐEk aansu bhi bohot hai, sharmasaraan-e-Rasool
اب تو اس چوکھٹ سے مر کر ہی اٹھیں گے ایک دن
اب کہاں جاتے ہیں ہم حلقہ بگوشانِ رسولؐ
Ab to is chaukhat se mar kar hi uthenge ek din
Ab kahan jaate hain hum halqa baghoshaan-e-Rasoolؐ
کیا عجب تم پر بھی پڑ جائے نگاہِ التفات
تم بھی بڑھ کر تھام لو اقبؔال دامانِ رسولؐ
Kya ajab tum par bhi par jaye nigaah-e-iltefaat
Tum bhi barh kar thaam lo Iqbalؔ daaman-e-Rasoolؐ
Share This Naat
Share with friends and family
ایک عاصی آج ہوتا ہے ثناخوانِ رسولؐ
پروفیسراقبال عظیم