سچی بات سکھاتے یہ ہیں
سیدھی راہ دکھاتے یہ ہیں
Sachchi baat sikhate ye hain
Seedhi raah dikhate ye hain
ڈوبی ناویں تراتے یہ ہیں
ہلتی نیویں جماتے یہ ہیں
Doobi nawein tarate ye hain
Hilti newein jamate ye hain
ٹوٹی آسیں بندھاتے یہ ہیں
چھوٹی نبضیں چلاتے یہ ہیں
Tooti aaseen bandhate ye hain
Chhoti nabzeen chalate ye hain
جلتی جانیں بجھاتے یہ ہیں
روتی آنکھیں ہنساتے یہ ہیں
Jalti jaanen bujhate ye hain
Roti aankhen hansate ye hain
قصرِ دَنیٰ تک کس کی رَسائی
جاتے یہ ہیں آتے یہ ہیں
Qasr-e-dana tak kis ki r-asai
Jaate ye hain aate ye hain
اس کے نائب ان کے صاحب
حق سے خَلْق ملاتے یہ ہیں
Is ke naib un ke sahib
Haq se khalq milate ye hain
شافع نافع رافع دافع
کیا کیا رحمت لاتے یہ ہیں
Shafi nafi rafi dafi
Kya kya rahmat laate ye hain
شافع اُمت نافع خَلْقَت
رافع رتبے بڑھاتے یہ ہیں
Shafi umat nafi khalqat
Rafi rutbe barhate ye hain
دافع یعنی حافظ و حامی
دَفع بلا فرماتے یہ ہیں
Dafi yani hafiz o hami
Dafa bala farmate ye hain
فیض جلیل خلیل سے پوچھو
آگ میں باغ کھلاتے یہ ہیں
Faiz jaleel khalil se poochho
Aag mein bagh khilate ye hain
ان کے نام کے صدقے جس سے
جیتے ہم ہیں جلاتے یہ ہیں
Un ke naam ke sadqe jis se
Jeete hum hain jalaate ye hain
اس کی بخشش ان کا صدقہ
دیتا وہ ہے دِلاتے یہ ہیں
Is ki bakhshish un ka sadqa
Deta wo hai dilate ye hain
ان کا حکم جہاں میں نافذ
قبضہ کل پہ رکھاتے یہ ہیں
Un ka hukum jahan mein naafiz
Qabza kul pe rakhate ye hain
قادِرِ کُل کے نائب اَکبر
کن کا رنگ دِکھاتے یہ ہیں
Qadir-e-kul ke naib akbar
Kun ka rang dikhate ye hain
ان کے ہاتھ میں ہر کنجی ہے
مالک کُل کہلاتے یہ ہیں
Un ke haath mein har kunji hai
Maalik kul kehlaate ye hain
اِنَّا اَعْطَیْنٰکَ الْکَوْثَر
ساری کثرت پاتے یہ ہیں
Inna ataina kalkawthar
Saari kasrat paate ye hain
رب ہے مُعْطِی یہ ہیں قاسم
رِزْق اُس کا ہے کھلاتے یہ ہیں
Rab hai mu’ati ye hain qasim
Rizq us ka hai khilate ye hain
ماتم گھر میں ایک نظر میں
شادی شادی رَچاتے یہ ہیں
Matam ghar mein ek nazar mein
Shaadi shaadi rachate ye hain
اپنی بنی ہم آپ بگاڑیں
کون بنائے بناتے یہ ہیں
Apni bani hum aap bigadrein
Kaun banaye banate ye hain
لاکھوں بلائیں کروڑوں دشمن
کون بچائے بچاتے یہ ہیں
Lakhon balain karoron dushman
Kaun bachaaye bachaate ye hain
بندے کرتے ہیں کام غضب کے
مژدہ رضا کا سناتے یہ ہیں
Bande karte hain kaam ghazab ke
Mujda raza ka sunaate ye hain
نزع رُوح میں آسانی دیں
کلمہ یاد دلاتے یہ ہیں
Na'za rooh mein aasani dein
Kalma yaad dilaate ye hain
مرقد میں بندوں کو تھپک کر
میٹھی نیند سلاتے یہ ہیں
Marqad mein bandon ko thapakkar
Meethi neend sulate ye hain
باپ جہاں بیٹے سے بھاگے
لطف وہاں فرماتے یہ ہیں
Baap jahan bete se bhaage
Lutf wahan farmate ye hain
ماں جب اکلوتے کو چھوڑے
آ آ کہہ کے بلاتے یہ ہیں
Maan jab akelote ko chhode
Aa aa keh ke bulaate ye hain
سنکھوں بیکس رونے والے
کون چُپائے چپاتے یہ ہیں
Sankhon bekas rone wale
Kaun chhupaye chhupaate ye hain
خود سجدے میں گر کر اپنی
گرتی اُمت اُٹھاتے یہ ہیں
Khud sajde mein gir kar apni
Gir'ti umat uthaate ye hain
ننگوں بے ننگوں کا پردہ
دامن ڈھک کے چھپاتے یہ ہیں
Nangon be nangon ka parda
Daman dhak ke chhupaate ye hain
اپنے بھرم سے ہم ہلکوں کا
پلہ بھاری بناتے یہ ہیں
Apne bharam se hum halkon ka
Palla bhari banate ye hain
ٹھنڈا ٹھنڈا میٹھا میٹھا
پیتے ہم ہیں پلاتے یہ ہیں
Thanda thanda meetha meetha
Peete hum hain pilaate ye hain
سَلِّم سَلِّم کی ڈَھارس سے
پل پر ہم کو چلاتے یہ ہیں
Sallim sallim ki daras se
Pul par hum ko chalaate ye hain
جس کو کوئی نہ کھلوا سکتا
وہ زَنجیر ہلاتے یہ ہیں
Jis ko koi na khulwa sakta
Wo zanjeer hilaate ye hain
جن کے چھپر تک نہیں اون کے
موتی محل سجواتے یہ ہیں
Jin ke chappar tak nahi unke
Moti mahal sajwaate ye hain
ٹوپی جن کے نہ جوتی ان کو
تاج و براق دِلاتے یہ ہیں
Topi jin ke na jooti un ko
Taj o baraq dilaate ye hain
کہدو رضا ؔسے خوش ہو خوش رہ
مژدہ رضا کاسناتے یہ ہیں
Kehdo raza se khush ho khush reh
Mujda raza ka sunaate ye hain
Share This Naat
Share with friends and family
سچی بات سکھاتے یہ ہیں
احمد رضا خان بریلوی