ہے دونوں جلوہ گاہوں میں جلوہ حضور ﷺ کا
کعبہ حضور کا ہے ‘ مدینہ حضور ﷺ کا
Hai dono juloah gaahon mai juloah huzur ﷺ ka
Kaaba huzur ka hai ' Madina huzur ﷺ ka
معیارِ اہل دین ہے اسوہ حضورﷺ کا
اور روحِ اصلِ دین ہے خطبہ حضور ﷺ کا
Miyar-e-Ahl-e-Din hai uswa huzurﷺ ka
Aur rooh-e-asl-e-Din hai khutba huzur ﷺ ka
جو کچھ بھی ہے ‘ جہاں بھی ہے ‘ سب انکے دَم سے ہے
یہ ساری کائنات ہے صدقہ حضور ﷺ کا
Jo kuch bhi hai ' jahan bhi hai ' sab unke dam se hai
Yeh sari kainaat hai sadqa huzur ﷺ ka
اللہ خود ہے واصفِ اوصافِ مصطفٰی ﷺ
قرآن پاک کیا ہے ؟ قصیدہ حضور ﷺ کا
Allah khud hai wasif-e-awsaaf-e-Mustafa ﷺ
Quran Pak kya hai ? Qaseeda huzur ﷺ ka
لفظوں کے بس کی بات نہیں اکتسابِ نُور
سمجھاؤں کیسے تم کو سراپا حضورﷺ کا
Lafzon ke bas ki baat nahi iktisab-e-noor
Samjhaon kaise tum ko sarapa huzurﷺ ka
کھینچی ہے کس نے نُور کی تصویر آج تک
سمجھائے کوئی کیسے سراپا حضور ﷺ کا
Khinchi hai kis ne noor ki tasveer aaj tak
Samjhaaye koi kaise sarapa huzur ﷺ ka
ممکن ہے اور کس کا لقب رحمتِ تمام
یہ وصفِ خاص ہے تنِ تنہا حضور ﷺ کا
Mumkin hai aur kis ka laqab Rehmat-e-Tamaam
Yeh wasf-e-khaas hai tan-e-tanha huzur ﷺ ka
صد نازشِ حیات وہ اسلافِ خوش نہاد
جن کو ہُوا نصیب زمانہ حضورﷺ کا
Sada naazish-e-hayat woh aslaf-e-khush nahad
Jin ko huwa naseeb zamana huzurﷺ ka
صد رشک مہر و ماہ وہ روشن بصارتیں
دیکھا جنہوں نے خود رُخِ زیبا حضورﷺ کا
Sada rashk mehr o mah woh roshan basaratein
Dekha jin hon ne khud rukh-e-zeeba huzur ﷺ ka
شایان طاق کعبہ وہ مٹّی کا اِک دیا
قسمت کیا گیا جسے حجرہ حضور ﷺ کا
Shaayan taaq kaaba woh mitti ka ek diya
Qismat kya gaya jise hujra huzur ﷺ ka
اور نبضِ کائنات وہ تاریخ ساز وقت
جس نے سُنا حضور ﷺ سے خطبہ حضورﷺ کا
Aur nabz-e-kainaat woh tareekh saaz waqt
Jis ne suna huzur ﷺ se khutba huzurﷺ ka
جی چاہتا ہے ان کا سخنِ حرزِ جاں کریں
جن دوستوں کا گھر ہے مدینہ حضورﷺ کا
Ji chahta hai un ka sukhan-e-hirz-e-jaan karein
Jin doston ka ghar hai Madina huzurﷺ ka
سُرمہ کروں میں آنکھوں کا قدموں کی دھول کو
پا جاؤں میں جو نقشِ کفِ پا حضورﷺ کا
Surma karon mai aankhon ka kadmon ki dhool ko
Pa jaon mai jo naqsh-e-kaf-e-pa huzurﷺ ka
مشک و گلاب و عنبر و گلہائے رنگ رنگ
ماخذ ہے خوشبوؤں کا پسینہ حضورﷺ کا
Mushk o gulaab o anbar o gulahaye rang rang
Makhaz hai khushboo'on ka paseena huzurﷺ ka
اقباؔل دو گھروں کا پتہ دل پہ نقش ہے
کعبہ خدا کا گھر ہے مدینہ حضور ﷺ کا
Iqbal do gharon ka pata dil pe naqsh hai
Kaaba khuda ka ghar hai Madina huzur ﷺ ka
Share This Naat
Share with friends and family
ہے دونوں جلوہ گاہوں میں جلوہ حضور ﷺ کا
پروفیسراقبال عظیم