اشکوں سے بولتے ہیں جو لوگ لب سے چپ ہیں
ہم بھی اُنھیں میں شامل اس در پہ کب سے چپ ہیں
Ashko se bolte hain jo log lab se chup hain
Hum bhi unhi mein shamil is dar pe kab se chup hain
زخموں کو سی رہے ہیں آنسو بھی پی رہے ہیں
عشقِ نبی کی لذّت پائی ہے جب سے چپ ہیں
Zakhmo ko see rahe hain aansu bhi pee rahe hain
Ishq-e-Nabi ki lazzat payi hai jab se chup hain
پیشِ نظر جنید اور ہیں بایزید جن کے
ہر سانس ان کی گم ہے اتنے ادب سے چپ ہیں
Pesh-e-nazar Junaid aur hain Bayazid jin ke
Har saans un ki gum hai itne adab se chup hain
جو حال ہے ہمارا اُن پر کھُلا ہے سارا
ہر دم نظر ہے ان کی ، ہم اس سبب سے چپ ہیں
Jo haal hai humara un par khula hai saara
Har dam nazar hai un ki, hum is sabab se chup hain
عشقِ نبی کا دعویٰ ہر اِک زبان پر ہے
اس حادثہ کے باعث عشّاق کب سے چپ ہیں
Ishq-e-Nabi ka dawa har ik zaban par hai
Is haadisa ke baais ashaq kab se chup hain
یہ ڈھنگ گفتگو کا تم نے ادیبؔ پایا
لکھ لکھ کے کہہ دیا سب اور خود ادب سے چپ ہیں
Ye dhang guftagu ka tumne Adeeb paaya
Likh likh ke keh diya sab aur khud adab se chup hain
Share This Naat
Share with friends and family
اشکوں سے بولتے ہیں جو لوگ لب سے چپ ہیں
حضرت ادیب رائے پوری