سب حقیقت کھل گئی کونین کی تحقیق سے
پیشتر کچھ بھی نہ تھا سرکار کی تخلیق سے
Sab haqeeqat khul gayi konain ki tahqiq se
Peshter kuch bhi na tha sarkar ki takhleeq se
ہر مقام و مرتبہ ، دارین کی سب عزتیں
رب العزت بانٹتا ہے آپ کی توثیق سے
Har maqam o martaba, darain ki sab izzatein
Rabbul izzat baantta hai aap ki tasdeeq se
طولِ فرقت شان والے کی رضا ہے اس لئے
کام لیتی ہے مری تقدیر بھی تعویق سے
Tool e furqat shaan walay ki raza hai is liye
Kaam leti hai meri taqdeer bhi taweeq se
مجھ کو بھی اعزاز بخشا ہے مرے معبود نے
وجہِ تخلیقِ جہاں کی نعت کی توفیق سے
Mujh ko bhi aizaaz bakhsha hai mere mabood ne
Wajah e takhleeq e jahaan ki naat ki tawfeeq se
فرطِ غم سے رستگاری کا ہنر ہاتھ آ گیا
شادماں ہوں سرورِ کونین کی تعمیق سے
Fart e gham se rastagari ka hunar haath aa gaya
Shaadmaan hoon sarwar e konain ki ta'meeq se
ہے یہ میرا مشورہ ، حکمِ خداوندی بھی ہے
مصطفیٰ کے در پہ آ ، دامن چھڑا تفریق سے
Hai yeh mera mashwara, hukm e khudawandi bhe hai
Mustafa ke dar pe aa, daaman chhura tafreeq se
ہو عطا اشفاقؔ احمد کو غلامی کی سند
نوکری تسلیم ہوگی آپ کی تصدیق سے
Ho 'ataa Ashfaq Ahmad ko ghulami ki sanad
Naukari tasleem hogi aap ki tasdeeq se
Share This Naat
Share with friends and family
سب حقیقت کھل گئی کونین کی تحقیق سے
اشفاق احمد غوری