نہیں وہ صدمہ یہ دل کو کس کا خیال رحمت تھپک رہا ہے
کہ آج رُک رُک کے خونِ دِل کچھ مری مژہ سے ٹپک رہا ہے
Nahi wo sadma ye dil ko kis ka khayal rehmat thapak raha hai
Ke aaj ruk ruk ke khoon-e-dil kuch meri muzah se tapak raha hai
لیا نہ ہو جس نے اُن کا صدقہ ملا نہ ہو جس کو اُن کا باڑا
نہ کوئی ایسا بشر ہے باقی نہ کوئی ایسا مَلک رہا ہے
Liya na ho jis ne un ka sadqa mila na ho jis ko un ka bara
Na koi aisa bashar hai baqi na koi aisa malak raha hai
کیا ہے حق نے کریم تم کو اِدھر بھی لِلّٰہ نگاہ کر لو
کہ دیر سے بے نوا تمہارا تمہارے ہاتھوں کو تک رہا ہے
Kiya hai haq ne kareem tum ko idhar bhi Lillahi nigah kar lo
Ke der se be-nawa tumhara tumhare hathon ko tak raha hai
ہے کس کے گیسوئے مشک بو کی شمیم عنبر فشانیوں پر
کہ جائے نغمہ صفیر بلبل سے مشک اَذفر ٹپک رہا ہے
Hai kis ke gesu-e-mushk boo ki shameem anbar fashaniyon par
Ke jaye naghma safir bulbul se mushk azfar tapak raha hai
یہ کس کے روئے نکو کے جلوے زمانے کو کر رہے ہیں روشن
یہ کس کے گیسوئے مشک بو سے مشامِ عالم مہک رہا ہے
Ye kis ke roye niku ke jalwe zamane ko kar rahe hain roshan
Ye kis ke gesu-e-mushk boo se masham-e-alam mehak raha hai
حسنؔ عجب کیا جو اُن کے رنگِ ملیح کی تہ ہے پیرہن پر
کہ رنگ پر نور مہر گردوں کئی فلک سے چمک رہا ہے
Hassan ajab kya jo un ke rang-e-malih ki tah hai pairahan par
Ke rang par noor mehr gardoon kai falak se chamak raha hai
Share This Naat
Share with friends and family
نہیں وہ صدمہ یہ دل کو کس کا خیال رحمت تھپک رہا ہے
حسن رضا خان