سب اندھیروں کو مٹانے کےلیے آپ آئے
مہر ذروں کو بنانے کےلیے آپ آئے
Sab andheron ko mitane ke liye aap aaye
Mehar zaron ko banane ke liye aap aaye
یا نبی ! بادِ شفاعت سے گنہگاروں کے
دامنِ تر کو سُکھانے کےلیے آپ آئے
Ya Nabi! Baad-e-shafaat se gunehgaaron ke
Daman-e-tar ko sukhane ke liye aap aaye
نارِ آلام و مصائب سے جَلے لوگوں کو
باغِ فرحت میں بسانے کےلیے آپ آئے
Naar-e-aalam o masaib se jale logon ko
Bagh-e-farhat mein basane ke liye aap aaye
آقا پیدل ہے تو ناقہ پہ ہے موجود غلام
یوں مساوات سکھانے کےلیے آپ آئے
Aaqa paidal hai to naaqa pe hai mojood ghulam
Yun masawat sikhane ke liye aap aaye
بیٹیوں کو جو کیا کرتے تھے زندہ در گور
ان کو انسان بنانے کےلیے آپ آئے
Betiyon ko jo kiya karte the zinda dur goor
Un ko insaan banane ke liye aap aaye
آپ کی شان رَفَعنا لَکَ ذِکرَک ٹھہری
سارے گِرتوں کو اٹھانے کےلیے آپ آئے
Aap ki shan "r fa'na laka zikrak" thahri
Saare girton ko uthhane ke liye aap aaye
نوعِ انساں کو بَہائم سے جو ممتاز کریں
ایسے آداب سکھانے کےلیے آپ آئے
Noo-e-insaan ko baha'im se jo mumtaaz karein
Aise adaab sikhane ke liye aap aaye
حسنِ دنیائی کے چکّر میں پڑے لوگوں کو
حسنِ ازلی سے مِلانے کےلیے آپ آئے
Husn-e-dunyai ke chakkar mein parhe logon ko
Husn-e-azli se milane ke liye aap aaye
عہدِ میثاق میں روحوں نے کہا تھا جو "بَلٰی"
وہ صدا یاد دِلانے کےلیے آپ آئے
Ehed-e-meesaq mein roohon ne kaha tha jo "bala"
Wo sada yaad dilane ke liye aap aaye
بحرِ تذلیل میں ڈوبوں کو معظمؔ کرکے
تختِ عِزّت پہ بٹھانے کےلیے آپ آئے
Beher-e-tazleel mein doobon ko Moazzam karke
Takht-e-izzat pe bithane ke liye aap aaye
Share This Naat
Share with friends and family
سب اندھیروں کو مٹانے کےلیے آپ آئے
معظم سدا معظم مدنی