طیبہ کے حسیں مرقدِ انوار کی چوکھٹ
دہلیزِ عقیدت ہے یہ سرکار کی چوکھٹ
Tayba ke haseen marqad-e-anwar ki chaukhat
Dehleez-e-aqeedat hai ye sarkar ki chaukhat
دہلیزیں ہیں ذی شان جہاں میں کئی لیکن
ہے مرکزِ عظمت شہِ ابرار کی چوکھٹ
Dehleezain hain zee shaan jahan mein kayi lekin
Hai markaz-e-azmat shah-e-abrar ki chaukhat
آقاؐ کی غلامی سے جو وابستہ نہیں ہے
کیا جانے وہ کیا ہے مرے سرکار کی چوکھٹ
Aaqa (ﷺ) ki ghulami se jo wabasta nahin hai
Kya jaane wo kya hai mere sarkar ki chaukhat
ہے آج بھی مومن کے لیے سب سے مقدّس
سرکار کے ایوانِ گہر بار کی چوکھٹ
Hai aaj bhi momin ke liye sab se muqaddas
Sarkar ke ewaan-e-gohar baar ki chaukhat
اِس در سے کوئی لوٹ کے خالی نہیں جاتا
یہ قاسمِ نعمت کے ہے دربار کی چوکھٹ
Is dar se koi laut ke khaali nahin jaata
Ye qasim-e-nemat ke hai darbaar ki chaukhat
آتے ہیں یہاں آٹھوں پہر عرش سے قدسی
کس شان کی حامل ہے یہ سرکار کی چوکھٹ
Aate hain yahan aathon peher arsh se qudsee
Kis shaan ki haamil hai ye sarkar ki chaukhat
کیا مجھ سے تری عظمت و توقیر بیاں ہو
اے شاہِ زمن کے درِ انوار کی چوکھٹ
Kya mujh se teri azmat o toqeer bayaan ho
Ae shah-e-zaman ke dar-e-anwar ki chaukhat
دعویٰ ہے پیمبر کی غلامی کا جو تجھ کو
کیوں چومتا پھرتا ہے تو اغیار کی چوکھٹ
Dawa hai paigambar ki ghulami ka jo tujh ko
Kyun choomta phirta hai tu aghyar ki chaukhat
احسنؔ کو بھی اک بار خداوند دکھا دے
سلطانِ امم سیّدِ ابرار کی چوکھٹ
Ahsan ko bhi ik baar khudawand dikha de
Sultan-e-umam sayyid-e-abrar ki chaukhat
Share This Naat
Share with friends and family
طیبہ کے حسیں مرقدِ انوار کی چوکھٹ
احسن اعظمی