کوئی سلیقہ ہے آرزو کا نہ بندگی میری بندگی ہے
یہ سب تمہارا کرم ہے آقا کہ بات اب تک بنی ہوئی ہے
Koi saleeqa hai aarzoo ka na bandagi meri bandagi hai
Ye sab tumhara karam hai aaqa ke baat ab tak bani hui hai
کسی کا احسان کیوں اُٹھائیں کسی کو حالات کیوں بتاءیں
تمھیں سے مانگیں گے تم ہی دو گے تمھارے در سے ہی لو لگی ہے
Kisi ka ehsan kyun uthayein kisi ko halaat kyun bataayein
Tumhin se maangein ge tum hi do ge tumhare dar se hi lo lagi hai
تجلیوں کے کفیل تم ہو مرادِ قلبِ خلیل تم ہو
خدا کی روشن دلیل تم ہو یہ سب تمہاری ہی روشنی ہے
Tajalliyon ke kafeel tum ho muraad-e-qalb-e-khalil tum ho
Khuda ki roshan daleel tum ho ye sab tumhari hi roshni hai
تمہیں ہو روحِ روانِ ہستی سکوں نظر کا دلوں کی مستی
ہے دو جہاں کی بہار تم سے تمہیں سے پھولوں میں تازگی ہے
Tumhin ho rooh-e-rawaan-e-hasti sakoon nazar ka dilon ki masti
Hai do jahan ki bahaar tum se tumhin se phoolon mein taazgi hai
شعور و فکر و نظر کے دعوے حدِ تعین سے بڑھ نہ پائے
نہ چھو سکے اِن بلندیوں کو جہاں مقامِ محمدی ہے
Shaoor o fikr o nazar ke daave hadd-e-taayun se barh na paaye
Na choo sake in bulandiyon ko jahan maqaam-e-Muhammadi hai
نظر نظر رحمتِ سراپا ادا ادا غیرتِ مسیحا
ضمیرِ مردہ بھی جی اُٹھے ہیں جِدھر تمہاری نظر اُٹھی ہے
Nazar nazar rehmat-e-saraapa ada ada gairat-e-Masihha
Zameer-e-murda bhi jee uthe hain jidhar tumhari nazar uthi hai
عمل کی میرے اساس کیا ہے بجز ندامت کے پاس کیا ہے
رہے سلامت تمہاری نسبت مرا تو اک آسرا یہی ہے
Amal ki mere asaas kya hai bajuz nadamat ke paas kya hai
Rahe salamat tumhari nisbat mera to ek aasra yahi hai
عطا کیا مجھ کو دردِ اُلفت کہاں تھی یہ پُر خطا کی قسمت
میں اس کرم کے کہاں تھا قابل حضور کی بندہ پروری ہے
Ata kiya mujh ko dard-e-ulfat kahan thi ye pur khata ki qismat
Main is karam ke kahan tha qabil huzoor ki banda parwari hai
اُنہی کے در سے خدا ملا ہے انہیں سے اس کا پتہ چلا ہے
وہ آئینہ جو خدا نما ہے جمالِ حسن حضور ہی ہے
Unhin ke dar se Khuda mila hai unhi se is ka pata chala hai
Woh aaeena jo Khuda numa hai jamaal-e-husn huzoor hi hai
بشیر کہیے نذیر کہیے انہیں سراجِ منیر کہیے
جو سَر بَسر ہے کلامِ ربی وہ میرے آقا کی زندگی ہے
Basheer kahiye nazeer kahiye unhein siraaj-e-muneer kahiye
Jo sar basar hai kalaam-e-Rabbi woh mere aaqa ki zindagi hai
Share This Naat
Share with friends and family
یہ سب تمہارا کرم ہے آقا کہ بات اب تک بنی ہوئی ہے
نامعلوم