سازِ وفا پہ جھوم کے گاتی ہے چاندنی
عشقِ نبی کا راگ سناتی ہے چاندنی
Saaz-e-wafa pe jhoom ke gaati hai chaandni
Ishq-e-Nabi ka raag sunaati hai chaandni
خیراتِ حسن لے کے مدینے کے چاند کی
ناز و ادا سے دل کو لُبھاتی ہے چاندنی
Khairaat-e-husn le ke Madinay ke chaand ki
Naaz o ada se dil ko lubhaati hai chaandni
یہ نور میرا، نورِ نبی سے ہے مستعار
یہ بات سب کو روز بتاتی ہے چاندنی
Yeh noor mera, noor-e-Nabi se hai musta'ar
Yeh baat sab ko roz bataati hai chaandni
چہرے پہ مَل کے غازۂ عشقِ نبی سدا
دیوانہ اپنا سب کو بناتی ہے چاندنی
Chehre pe mal ke ghaaza-e-ishq-e-Nabi sada
Dewaana apna sab ko banaati hai chaandni
احمدؔ نبی کے حسن پہ قربان جائیے
حُسنِ نبی پہ جان لُٹاتی ہے چاندنی
Ahmed Nabi ke husn pe qurabaan jaaiye
Husn-e-Nabi pe jaan lutaati hai chaandni
Share This Naat
Share with friends and family
سازِ وفا پہ جھوم کے گاتی ہے چاندنی
مولانا طفیل احمد مصباحی