من رآنی کا مدعا چہرہ
صُورتِ حق کا آئنہ چہرہ
Man ra'ani ka mudda chehra
Soorat-e-Haq ka aaina chehra
سر مگیں چشم آیہِ ما زاغ
زُلف و ا للّیل وا لضٰحے چہرہ
Sar mageen chashm aaya-e-ma zaagh
Zulf-o-allail-wal-zoha chehra
عالمِ خواب میں حقِیقت ہَے
آپؐ کا چہرہ ، آپؐ کا چہرہ
Aalam-e-khwaab mein haqiqat hai
Aapؐ ka chehra, Aapؐ ka chehra
مصطفٰےؐ آنکھ ہو خُدا صُورت
ہو خُدا آنکھ مصؐطفٰے چہرہ
Mustafaؐ aankh ho Khuda soorat
Ho Khuda aankh Musؐtafa chehra
یہی چہرہ نِشانِ وجْہُ اللہ
ورنہ رکھتا ہَے کیا خُدا چہرہ
Yahi chehra nishan-e-wajh Allah
Warna rakhta hai kya Khuda chehra
یہ ہَے تغیرِ احسنِ تقویم
ابتدا ء چہرہ، انتہا ء چہرہ
Yeh hai taghayur-e-ahsan-e-taqweem
Ibtida chehra, inteha chehra
مرنے والوں کی آخری خواہش
مِرے آقاؐ مجھے دکھا چہرہ
Marne walon ki aakhri khwahish
Mire aaqaؐ mujhe dikha chehra
ریگزارِ حیات میں واصؔف
باغِ فردوس کی ہوا چہرہ
Rehgzaar-e-hayat mein Wasif
Bagh-e-Firdous ki hawa chehra
Share This Naat
Share with friends and family
من رآنی کا مدعا چہرہ
واصف علی واصف