سارے شہروں میں ہوا افضل مدینہ آپؐ کا
سب مہینوں میں ہوا افضل مہینہ آپؐ کا
Saare shehron mein hua afzal Madina aapؐ ka
Sab mahinon mein hua afzal mahina aapؐ ka
بھیک میں گلزار کو ملتی ہے خوشبو آپؐ سے
مشک و عنبر سے معطر ہے پسینہ آپؐ کا
Bheek mein gulzar ko milti hai khushbu aapؐ se
Mushk-o-ambar se muattar hai paseena aapؐ ka
دُونوں ہاتھوں سے لٹاتے ہو جواہر جُود کے
کم ذرا سا بھی نہیں ہوتا خزینہ آپؐ کا
Dono haathon se lutate ho jawahir jood ke
Kam zara sa bhi nahi hota khazeena aapؐ ka
کائناتِ حسن بھی، ہو حسنِ کائنات بھی
دل کے جھومر میں سجایا ہے نگینہ آپؐ کا
Kainat-e-husn bhi, ho husn-e-kainat bhi
Dil ke jhoomar mein sajaya hai nageena aapؐ ka
پار اترے گا یقینا ہر بڑے طوفان سے
بحرِ غم میں جس کو مل جائے سفینہ آپؐ کا
Paar utare ga yaqeenan har bade toofan se
Bahr-e-gham mein jis ko mil jaye safeena aapؐ ka
سارے نبیوںؑ کے، رسولوںؑ کے قرینے خوب ہیں
اعلیٰ ، ارفع ، اور کامل ہے قرینہ آپؐ کا
Saare nabiyonؑ ke, rasoolonؑ ke qaareene khoob hain
A'ala, arfa, aur kamil hai qaareena aapؐ ka
بھر دیے کونین کے سب راز قلبِ پاک میں
’’رَب الشرح لی‘‘ کردیا خالق نے سینہ آپؐ کا
Bhar diye konain ke sab raaz qalb-e-pak mein
"Rabbishrah li" kar diya Khaliq ne seena aapؐ ka
آپؐ کا نقشِ کفِ پا ہے صراطِ مستقیم
جنت الفردوس کو جاتا ہے زینہ آپؐ کا
Aapؐ ka naqsh-e-kaf-e-pa hai siraat-e-mustaqeem
Jannat al-Firdous ko jaata hai zeena aapؐ ka
میں نے تو اشفاقؔ سیکھا ہے یہی اسلاف سے
بوجہلؔ ہے دل میں جو رکھتا ہے کینہ آپؐ کا
Main ne to Ashfaqؔ seekha hai yahi aslaaf se
Bu-jahalؔ hai dil mein jo rakhta hai keena aapؐ ka
Share This Naat
Share with friends and family
سارے شہروں میں ہوا افضل مدینہ آپؐ کا
اشفاق احمد غوری