آخری وقت میں کیا رونقِ دنیا دیکھوں
اب تو بس ایک ہی دھن ہے کہ مدینہ دیکھوں
Aakhri waqt mein kya ronak-e-duniya dekhun
Ab to bas aik hi dhun hai ke Madina dekhun
از اُفق تابہ اُفق ایک ہی جلوہ دیکھوں
جس طرف آنکھ اٹھے روضہء والا دیکھوں
Az ufaq ta ba ufaq aik hi jalwa dekhun
Jis taraf aankh uthe roza-e-wala dekhun
عاقبت میری سنور جائے جو طیبہ دیکھوں
دستِ امروز میں آئینہ فردا دیکھوں
Aaqibat meri sanwar jaye jo Taiba dekhun
Dast-e-emroz mein aaina farda dekhun
میں کہاں ہوں ‘یہ سمجھ لوں تو اٹھاؤں نظریں
دل سنبھل جائے تو میں جانبِ خضرا دیکھوں
Mein kahan hun 'ye samajh lun to uthaoon nazrein
Dil sambhal jaye to mein janib-e-Khazra dekhun
میں نے جن آنکھوں سے دیکھا ہے کبھی شہرِ نبی ﷺ
اور ان آنکھوں سے اب کیا کوئی جلوہ دیکھوں
Mein ne jin aankhon se dekha hai kabhi shehar-e-Nabi ﷺ
Aur in aankhon se ab kya koi jalwa dekhun
بعد رحلت بھی جو سرکارﷺ کو محبوب رہا
اب ان آنکھوں سے میں خوش بخت وہ حجرہ دیکھوں
Baad rehlat bhi jo Sarkar ﷺ ko mehboob raha
Ab in aankhon se mein khush bakht woh hujra dekhun
فقر و فاقہ ہی رہا جس کے مکینوں کا نصیب
چشمِ عبرت سے میں وہ مسکنِ زہرا دیکھوں
Faqr o faqa hi raha jis ke maqeenon ka naseeb
Chashm-e-ibrat se mein woh maskan-e-Zahra dekhun
جالیاں دیکھوں کہ دیوار و در و بام ِ حرم
اپنی معذور نگاہوں سے میں کیا کیا دیکھوں
Jaliyan dekhun ke deewar o dar o bam e haram
Apni mazur nigahon se mein kya kya dekhun
میرے مولا مری آنکھیں مجھے واپس کردے
تا کہ اس بار میں جی بھر کے مدینہ دیکھوں
Mere Maula meri aankhen mujhe wapas karde
Ta ke is baar mein ji bhar ke Madina dekhun
جن گلی کوچوں سے گزرے ہیں کبھی میرے حضورﷺ
ان میں تاحدِ نظر نقشِ کفِ پا دیکھوں
Jin gali kuchon se guzre hain kabhi mere Huzoor ﷺ
Un mein ta had-e-nazar naqsh-e-kaf-e-pa dekhun
تا کہ آنکھوں کا بھی احسان اٹھا نا نہ پڑے
قلب خود آئینہ بن جائے میں اتنا دیکھوں
Ta ke aankhon ka bhi ehsan uthana na pade
Qalb khud aaina ban jaye mein itna dekhun
کاش اقباؔل یوں ہی عمر بسر ہو میری
صبح کعبے میں ہو اور شام کو طیبہ دیکھوں
Kash Iqbal yun hi umr basar ho meri
Subah Kaaba mein ho aur shaam ko Taiba dekhun
Share This Naat
Share with friends and family
آخری وقت میں کیا رونقِ دنیا دیکھوں
پروفیسراقبال عظیم