محمد مصطفیٰ آئے در و دیوار سج گئے نے
اہدے صدقے تھیں سب گلیاں تے سب بازار سج گئے نے
Muhammad Mustafa aaye dar o deewar saj gaye ne
Ehde sadqe thiyan sab galiyan te sab bazaar saj gaye ne
ایہہ صدقہ اے محمد مصطفیٰ دی نعت خوانی دا
اساڈے جہئے غریباں دے وی اج گھر بار سج گئے نے
Ehh sadqa ae Muhammad Mustafa di naat khwani da
Asade jehe ghareeban de vi aj ghar baar saj gaye ne
خوشی اوہو مناندے نے مرے آقا دے آون دی
جنہاں دے سینیاں وچ آپ دے انوار سج گئے نے
Khushi oho manande ne mere aaqa de aavan di
Jenhan de seeniyan vich aap de anwaar saj gaye ne
حلیمہ لَے کے جاناں جیہڑی طرفوں میرے آقا نوں
اوہ راہواں وادیاں تے پربت و کُہسار سج گئے نے
Haleema le ke jaana jehri tarfon mere aaqa nu
Oh raahwaan waadiyaan te parbat w kuhsar saj gaye ne
ایہہ دھرتی حشر تیکر ہُن کدی ویران نہیں ہونی
نبی دیاں عاشقاں دے ایس تے دربار سج گئے نے
Ehh dharti hashr tikar hun kadi weran nahi honi
Nabi diyan aashiqaan de es te darbar saj gaye ne
گواہی سچی دیندے نے جو آقا دی رسالت دی
اُہناں دیاں مسجداں دے گنبد و مینار سج گئے نے
Gawahi sacchi dende ne jo aaqa di rasaalat di
Unhan diyan masjidaan de gunbad w minaar saj gaye ne
خوشی دے اتھرو اکھاں دے اندر آگئے آپے
کہیا ہاتف نے جد صائم ترے اشعار سج گئے نے
Khushi de athru akhaan de andar aagaye aape
Kehya haatif ne jad Saim tere ashhaar saj gaye ne
Share This Naat
Share with friends and family
محمد مصطفیٰ آئے در و دیوار سج گئے نے
علامہ صائم چشتی