سر سے پا تک ہر اَدا ہے لاجواب
خوبرویوں میں نہیں تیرا جواب
Sar se pa tak har ada hai lajawab
Khubrooyyon mein nahi tera jawab
حسن ہے بے مثل صورت لا جواب
میں فدا تم آپ ہو اپنا جواب
Husn hai be misl soorat la jawab
Main fida tum aap ho apna jawab
پوچھے جاتے ہیں عمل میں کیا کہوں
تم سکھا جاؤ مِرے مولا جواب
Pooche jaate hain amal mein kya kahun
Tum sikha jao mire moula jawab
میری حامی ہے تیری شانِ کریم
پرسشِ روزِ قیامت کا جواب
Meri hami hai teri shan-e-kareem
Parsishe roz-e-qayamat ka jawab
ہیں دعائیں سنگ دشمن کا عوض
اس قدر نرم ایسے پتھر کا جواب
Hain duaein sang dushman ka ewaz
Is qadar narm aise pathar ka jawab
پلتے ہیں ہم سے نکمے بے شمار
ہیں کہیں اس آستانہ کا جواب
Paltay hain hum se nikamme be shumar
Hain kahin is aastana ka jawab
روزِ محشر ایک تیرا آسرا
سب سوالوں کا جوابِ لا جواب
Roz-e-mahshar aik tera aasra
Sab swaloon ka jawab-e-la jawab
میں ید بیضا کے صدقے اے کلیم
پر کہاں اُن کی کفِ پا کا جواب
Main yad-e-bayza ke sadqay aye kaleem
Par kahan un ki kaf-e-pa ka jawab
کیا عمل تو نے کئے اس کا سوال
تیری رحمت چاہیے میرا جواب
Kya amal tu ne kiye is ka swal
Teri rehmat chahiye mera jawab
مہر و مہ ذَرّے ہیں ان کی راہ کے
کون دے نقشِ کفِ پا کا جواب
Mehr o meh zaray hain un ki raah ke
Kon de naqsh-e-kaf-e-pa ka jawab
تم سے اس بیمار کو صحت ملے
جس کو دے دیں حضرتِ عیسیٰ جواب
Tum se is bemar ko sehat mile
Jis ko de dein Hazrat-e-Eesa jawab
دیکھ رِضواں دَشتِ طیبہ کی بہار
میری جنت کا نہ پائے گا جواب
Dekh rizwan dasht-e-tayba ki bahar
Meri jannat ka na paye ga jawab
شور ہے لطف و عطا کا شور ہے
مانگنے والا نہیں سنتا جواب
Shor hai lutf o ata ka shor hai
Maangne wala nahi sunta jawab
جرم کی پاداش پاتے اَہلِ جرم
اُلٹی باتوں کا نہ ہو سیدھا جواب
Jurm ki padosh pate ahl-e-jurm
Ulti baton ka na ho seedha jawab
پر تمہارے لطف آڑے آگئے
دے دیا محشر میں پرسش کا جواب
Par tumhare lutf aaray aagaye
De diya mahshar mein pursish ka jawab
ہے حسنؔ محوِ جمالِ رُوئے دوست
اے نکیرین اس سے پھر لینا جواب
Hai hasanؔ mahw-e-jamal-e-ru-e-dost
Aye nakireen is se phir lena jawab
Share This Naat
Share with friends and family
سر سے پا تک ہر اَدا ہے لاجواب
حسن رضا خان