پیام لے کے جو آئی صبا مَدینے سے
مریضِ عشق کی لائی دوا مَدینے سے
Payam le ke jo aayi saba Madine se
Mareez-e-ishq ki laayi dawa Madine se
سنو تو غور سے آئی صدا مَدینے سے
قریں ہے رحمت و فضلِ خدا مَدینے سے
Suno to ghour se aayi sada Madine se
Qareeb hai rehmat o fazl-e-Khuda Madine se
ملے ہمارے بھی دِل کو جلا مَدینے سے
کہ مہر و ماہ نے پائی ضیا مَدینے سے
Mile humare bhi dil ko jala Madine se
Ke mehar o maah ne paayi zia Madine se
تمہاری ایک جھلک نے کیا اُسے دلکش
فروغ حسن نے پایا شہا مَدینے سے
Tumhari aik jhalak ne kiya use dilkash
Farogh husn ne paaya shah Madine se
تمام شاہ و گدا پل رہے ہیں اس دَر سے
ملی جہان کو روزی سدا مَدینے سے
Tamam shah o gadaa pal rahe hain is dar se
Mili jahan ko rozi sada Madine se
جو آیا لے کے گیا کون لوٹا خالی ہاتھ
بتادے کوئی سنا ہو جو ’’ لا ‘‘ مَدینے سے
Jo aaya le ke gaya kaun lota khaali haath
Bata de koi suna ho jo ''la'' Madine se
بتادے کوئی کسی اور سے بھی کچھ پایا
جسے مِلا جو مِلا وہ مِلا مَدینے سے
Bata de koi kisi aur se bhi kuch paaya
Jise mila jo mila woh mila Madine se
وہ آیا خُلد میں جو آگیا مَدینے میں
گیا وہ خلد سے جو چلدیا مَدینے سے
Woh aaya khuld mein jo aagaya Madine mein
Gaya woh khuld se jo chaldiya Madine se
نہ چین پائے گا یہ غمزدہ کسی صورت
مریضِ غم کو ملے گی شفا مَدینے سے
Na chain paaye ga yeh ghamzada kisi soorat
Mareez-e-gham ko mile gi shifa Madine se
لگاؤ دل کو نہ دنیا میں ہر کسی شے سے
تعلق اپنا ہو کعبے سے یا مَدینے سے
Lagao dil ko na duniya mein har kisi shay se
Taaluq apna ho Kaabe se ya Madine se
گدا کی راہ جہاں دیکھیں پھر نواکیوں ہو
نوا سے پہلے مِلے بے نوا مَدینے سے
Gadaa ki raah jahan dekhen phir nawakiun ho
Nawa se pehle mile be-nawa Madine se
چمن کے پھول کھلے مُردہ دِل بھی جی اُٹھے
نسیم خلد سے آئی ہے یا مَدینے سے
Chaman ke phool khile murda dil bhi je uthhe
Naseem khuld se aayi hai ya Madine se
کرے گی مُردوں کو زندہ یہ تِشْنوں کو سیراب
وہ دیکھو اُٹھی کرم کی گھٹا مَدینے سے
Kare gi murdon ko zinda yeh tishnaon ko serab
Woh dekho uthi karam ki ghata Madine se
مَدینہ چشمۂ آبِ حیات ہے یارو
چلو ہمیشہ کی لے لو بقا مَدینے سے
Madina chashma-e-aab-e-hayat hai yaaro
Chalo hamesha ki le lo baqa Madine se
فضائے خلد کے قرباں مگر وہ بات کہاں
مِل آئیں حضرتِ رضواں ذرا مَدینے سے
Fazaa-e-khuld ke qurbaan magar woh baat kahan
Mil aayein Hazrat-e-Rizwan zara Madine se
ہمارے دل کو تو بھایا ہے طیبہ ہی زاہد
تمہیں ہے مکہ تو ہوگا سِوا مَدینے سے
Humare dil ko to bhaya hai Tayba hi Zahid
Tumhein hai Makka to hoga siwa Madine se
چلے جو طیبہ سے مسلم تو خلد میں پہنچے
کہ سیدھا خلد کا ہے راستہ مَدینے سے
Chale jo Tayba se Muslim to khuld mein pahunche
Ke seedha khuld ka hai raasta Madine se
تم ایک آن میں آئے گئے تمہارے لیے
دو گام بھی نہیں عرشِ علا مَدینے سے
Tum aik aan mein aaye gaye tumhare liye
Do gaam bhi nahi Arsh-e-Ala Madine se
تمہارے قدموں پہ سر صدقے جاں فدا ہوجائے
نہ لائے پھر مجھے میرا خدا مَدینے سے
Tumhare qadmon pe sar sadqe jaan fida ho jaye
Na laaye phir mujhe mera Khuda Madine se
ترے حبیب کا پیارا چمن کیا برباد
الٰہی نکلے یہ نجدی بلا مَدینے سے
Tere Habib ka pyara chaman kya barbaad
Ilahi nikle yeh Najdi bala Madine se
ترے نصیب کا نوریؔ ملے گا تجھ کو بھی
لے آئے حصہ یہ شاہ و گدا مَدینے سے
Tere naseeb ka Noori mile ga tujhko bhi
Le aaye hissa yeh shah o gadaa Madine se
Share This Naat
Share with friends and family
پیام لے کے جو آئی صبا مَدینے سے
مفتی مصطفٰی رضا خان