ساری دُنیا توں نرالا اے مدینے والا
اپنے خالق دا حوالہ اے مدینے والا
Saari duniya toon nirala ae madine wala
Apne khaliq da hawala ae madine wala
ساری کونین دی تخلیق دا مقصد نالے
ساری کونین چوں اعلیٰ اے مدینے والا
Saari konain di takhleeq da maqsad nale
Saari konain cho aala ae madine wala
نور سارے نے بنے نور نبی دا صدقہ
ہر اُجالے دا اُجالا اے مدینے والا
Noor sare ne bane noor nabi da sadqa
Har ujale da ujala ae madine wala
اپنی امت دے گنہگار تے مجرم اُتے
دیندا رحمت دا دو شالہ اے مدینے والا
Apni umat de gunahgar te mujrim ute
Deinda rehmat da do shala ae madine wala
کوئی فریادی وی فریاد جدوں ایں کردا
دیوندا اُس نوں سنبھالا اے مدینے والا
Koi faryadi vi faryad jadon ein karda
Deunda us nu sanbhala ae madine wala
اپنے دشمن نوں وی برباد ناں کرنا چاہوے
کس قدر رحمتاں والا اے مدینے والا
Apne dushman nu vi barbad naaan karna chawe
Kis qadar rehmataan wala ae madine wala
سارے نبیاں تے ہے سوہنے دی فضیلت صائم
سب توں بالا سی تے بالا اے مدینے والا
Saare nabiyan te hai sohne di fazeelat saim
Sab ton bala si te bala ae madine wala
Share This Naat
Share with friends and family
ساری دُنیا توں نرالا اے مدینے والا
علامہ صائم چشتی