ساڈے آقا کملی والے دی گفتار دے چرچے گلی و گلی
جیہدے نام نوں لگدیاں دو میماں اس یار دے چرچے گلی وگلی
Saade aaqa kamli waale di guftaar de charche gali v gali
Jiheda naam noon lagdiyaan do meeman is yaar de charche gali v gali
اوہدا شان گھٹایاں نہیں گھٹنا لکھ زور کوئی لاوے نہیں چلناں
محشر تک ہندے رہنے نے سرکار دے چرچے گلی وگلی
Ohda shaan ghatayaan nahi ghatna lakh zor koi laave nahi chalnaan
Mahshar tak hande rehne ne sarkar de charche gali v gali
سرکار نے اپنے ویریاں لئی چدراں وی آپ وچھایاں نے
دشمن وی کردے رہندے نے اوہدے پیارے دے چرچے گلی وگلی
Sarkar ne apne veeriyaan laee chadraan vi aap vichhaayaan ne
Dushman vi karde rehnde ne ohde pyaare de charche gali v gali
اپنے کی غیراں لئی کھولے سرکار نے بوہے رحمت دے
اغیار وی کر دے امت دے غمخوار دے چرچے گلی وگلی
Apne ki gheraan laee khole sarkar ne bohe rehmat de
Aghyaar vi kar de ummat de ghamkhaar de charche gali v gali
عرشی وی کردے رہندے نے فرشی وی کردے رہندے نے
میرے آقا کملی والے دے دربار دے چرچے گلی وگلی
Arshi vi karde rehnde ne farshi vi karde rehnde ne
Mere aaqa kamli waale de darbaar de charche gali v gali
اوہ رحمت کل جہاناں دی نہیں اوڑک اوہدیاں شاناں دی
دو جگ دے اندر نبیاں دے سردار دے چرچے گلی و گلی
Oh rehmat kul jahaanaan di nahi ourak ohdayaan shaanaan di
Do jug de andar nabiyan de sardar de charche gali v gali
ہو وے خیر غریب نوازی دی تے خبر غریب نیازی دی
ہن تے ہو گئے آقا تیرے بیمار دے چرچے گلی و گلی
Ho ve khair ghareeb nawazi di te khabar ghareeb niazi di
Han te ho gaye aaqa tere beemar de charche gali v gali
Share This Naat
Share with friends and family
ساڈے آقا کملی والے دی گفتار دے چرچے گلی و گلی
عبدالستار نیازی