پھر مجھے آقا مدینے میں بُلایا شکریہ
شکریہ پھر گنبدِ خضرا دکھایا شکریہ
Phir mujhe Aaqa Madine mein bulaya shukriya
Shukriya phir gumbad-e-khazra dikhaya shukriya
جس جگہ آٹھوں پَہَر انوار کی ہیں بارِشیں
ایسی نورانی فَضاؤں میں بلایا شکریہ
Jis jagah aathoon pahar anwar ki hain barishain
Aisi noorani fazaon mein bulaya shukriya
روضۂ انور کے زائر کے شہا تم ہو شفیع
میری بخشِش کا بہانہ یوں بنایا شکریہ
Rozah-e-anwar ke zaair ke shahaa tum ho shafi
Meri bakhshish ka bahana yun banaya shukriya
پھر طوافِ خانۂ کعبہ کا بخشا ہے شَرَف
خوب آقا آبِ زم زم بھی پِلایا شکریہ
Phir tawaaf-e-khanah-e-kaba ka bakhsha hai sharaf
Khoob Aaqa aab-e-zam zam bhi pilaya shukriya
مجھ سے عاصی کو شَرَف حج کا عطا فرمادیا
کِس زَباں سے ہو ادا تیرا خدایا شکریہ
Mujh se aasi ko sharaf hajj ka ata farma diya
Kis zabaan se ho ada tera Khudaaya shukriya
یاالٰہی! اپنے پیارے کی وِلادَت گاہ کا
میٹھے مکّے میں مجھے جَلوہ دکھایا شکریہ
Ya Ilaahi! Apne pyaare ki wiladat gaah ka
Meethay Makke mein mujhe jalwah dikhaya shukriya
بھیک لینے کیلئے یارب حبیبِ پاک کا
آستانہ ہم غریبوں کو دکھایا شکریہ
Bheek lene ke liye yaarb habeeb-e-pak ka
Aastana hum ghareebon ko dikhaya shukriya
پھر مدینے کی حَسین و خوبصورت وادِیوں
کا حَسین و دِلکُشا منظر دکھایا شکریہ
Phir Madine ki haseen o khoobsurat waadiyon
Ka haseen o dilkushah manzar dikhaya shukriya
مسجِد نبوی کے محراب اور مِنبر کا شہا!
دِلنواز و دِلرُبا جلوہ دکھایا شکریہ
Masjid Nabwi ke mehrab aur minbar ka shahaa!
Dilnawaaz wo dilruba jalwah dikhaya shukriya
منہ لگاتا تھا کہاں دنیا میں کوئی بھی مجھے
ایسے ناکارہ نکمّے کو نبھایا شکریہ
Munh lagata tha kahan duniya mein koi bhi mujhe
Aise nakaara nikamme ko nibhaya shukriya
آہ! تم رویا کئے اُمّت کے غم میں یانبی
حوصلہ ہم عاصِیوں کا یوں بڑھایا شکریہ
Aah! Tum roya kiye Ummat ke gham mein ya nabi
Hausla hum aasi yon ko barhaya shukriya
خود رہے بُھوکے شِکم پر اپنے پتّھر باندھے اور
پیار سے تم نے ہمیں کھانا کِھلایا شکریہ
Khud rahe bhooke shikam par apne patthar bandhe aur
Pyaar se tum ne humein khana khilaya shukriya
مجھ ذلیل و خوار دنیادار کی اَوقات کیا!
میں نثار آقا مجھے پھر بھی نبھایا شکریہ
Mujh zaleel o khwaar duniyaadaar ki auqaat kya!
Main nisaar Aaqa mujhe phir bhi nibhaya shukriya
یارسولَ اللہ !لوگوں نے مجھے ٹھکرادیا
تھا مگر تُو نے مجھے اپنا بنایا شکریہ
Ya Rasool Allah! Logon ne mujhe thukra diya
Tha magar tu ne mujhe apna banaya shukriya
اِس قَدَر لُطف و عِنایت اپنے نافرمان پر
اپنے غم میں اپنی اُلفت میں رُلایا شکریہ
Is qadar lutf o inayat apne nafarmaan par
Apne gham mein apni ulfat mein rulaaya shukriya
سُنّتوں کو عام کرنے کا مجھے جذبہ دیا
اہلِ سُنَّت کا مجھے خادِم بنایا شکریہ
Sunnaton ko aam karne ka mujhe jazba diya
Ahl-e-Sunnat ka mujhe khaadim banaya shukriya
شکریہ کیونکر شہا تیرے کرم کا ہو ادا
مجھ سے عاصی کو غلام اپنا بنایا شکریہ
Shukriya kiyonkar shahaa tere karam ka ho ada
Mujh se aasi ko ghulam apna banaya shukriya
میری عزّت اہلِ سنّت کے دلوں میں ڈال دی
اور اَعدا پر مِرا سکّہ بٹھایا شکریہ
Meri izzat ahl-e-sunnat ke dilon mein daal di
Aur aada par mera sikka bithaya shukriya
دل سے جس نے بھی اَغِثنِی یارسولَ اللہ!کہا
آفتوں سے آپ نے اُس کو بچایا شکریہ
Dil se jis ne bhi aghithni ya Rasool Allah! Kaha
Aafton se aap ne us ko bachaya shukriya
خاتِمہ بِالخیر ہو میرا مدینے میں اگر
بال بال اُٹّھے پکار اپنا، خدایا شکریہ
Khatima bil-khair ho mera Madine mein agar
Baal baal utthahe pukar apna, Khudaaya shukriya
دَفن کرکے جب مِرے اَحباب آقا چلدئے
لَحد کو جلووں سے آکر جگمگایا شکریہ
Dafan karke jab mere ahbaab Aaqa chal diye
Lahad ko jalwon se aakar jagmagaya shukriya
پیاس ابھی بڑھنے بھی پائی تھی نہ میری حشر میں
جامِ کوثر جلد رَحمت سے پلایا شکریہ
Pyaas abhi barhne bhi pai thi na meri hashr mein
Jaam-e-Kausar jald rahmat se pilaya shukriya
عیب محشر میں کُھلاہی چاہتے تھے میں نثار
ڈھک کے پردہ اپنے دامن کا چُھپایا شکریہ
Aib hashr mein khulaah hi chahte the main nisaar
Dhhak ke parda apne daman ka chhupaya shukriya
سُوئے دوزخ جب ملائک مجھ کو لیکر چل دیے
میں تِرے صَدقے مجھے آکر چُھڑایا شکریہ
Soo-e-dozakh jab malaaik mujh ko lekar chal diye
Main tere sadqe mujhe aakar chhuraaya shukriya
شکریہ کیونکر ادا ہو آپ کا یامصطفٰے
ہے پڑوسی خُلد میں اپنا بنایا شکریہ
Shukriya kiyonkar ada ho aap ka ya Mustafa
Hai parosi Khuld mein apna banaya shukriya
گرچِہ شیطاں ہر گھڑی ایمان کی ہے گھات میں
تم نے تھاما، جب کبھی میں ڈگمگایا شکریہ
Garcha shaitaan har ghari iman ki hai ghaat mein
Tum ne thaama, jab kabhi main dagmagaya shukriya
دولتِ ایماں عطا کی اپنے دامن میں لیا
کُفر سے ہم بینواؤں کو بچایا شکریہ
Daulat-e-imaa'n ata ki apne daman mein liya
Kufr se hum beenawon ko bachaya shukriya
دے دیا عطارؔ کو مرشِد ضِیائُالدین سا
اور سگِ غوث و رضا اِس کو بنایا شکریہ
De diya Attar ko Murshid Ziauddin sa
Aur sag-e-Ghaus o Raza is ko banaya shukriya
Share This Naat
Share with friends and family
پھر مجھے آقا مدینے میں بُلایا شکریہ
الیاس عطار قادری