رُلا دیتی ہے پاکیزہ مدینے کی ہوا مجھ کو
بہت ہی یاد آتے ہیں مرے خیر الوریٰؐ مجھ کو
Rula deti hai pakiza Madine ki hawa mujh ko
Bohat hi yaad aate hain mere khair ul wuraa ﷺ mujh ko
مَیں اس کے ایک اک پتھر سے اپنے دل کو بہلاؤں
بُلا لے کاش اپنے پاس ہی غارِ حرا مجھ کو
Main is ke aik aik pathar se apne dil ko behlaoon
Bula le kaash apne paas hi Ghar e Hira mujh ko
ادھر آؤ ادھر بیٹھو مجھے دیکھو مجھے چومو
مدینے کی مقدس خاک دیتی ہے صدا مجھ کو
Idhar aao idhar baitho mujhe dekho mujhe chumo
Madine ki muqaddas khaak deti hai sada mujh ko
کبھی نوکر بنا کر ہی بٹھالیں اپنے قدموں میں
رسولِ دوجہاں میرے امام الانبیاء مجھ کو
Kabhi nokar bana kar hi bithalein apne qadmo mein
Rasool e dojahan mere Imam ul Ambiya mujh ko
وہ خالی تو نہ چھوڑیں گے وہ خالی تو نہ موڑیں گے
مگر دستِ کرم سے اُنؐ کے آتی ہے حیا مجھ کو
Woh khaali to na chhodenge woh khaali to na modenge
Magar dast e karam se un ﷺ ke aati hai haya mujh ko
عجب اس کی سخاوت ہے عجب اس کی عنایت ہے
مرے ہونٹوں کی جنبش سے بھی پہلے دے دیا مجھ کو
Ajab is ki sakhawat hai ajab is ki inayat hai
Mere honton ki junbish se bhi pehle de diya mujh ko
جہاں پینے سے پہلے ہی مَیں اپنے ہوش کھو بیٹھوں
دکھا دے ایسا مے خانہ کبھی میرے پیا مجھ کو
Jahan peene se pehle hi main apne hosh kho baithoon
Dikha de aisa mai khana kabhi mere piya mujh ko
نشہ ایسا پلا اترے نہ جو روزِ قیامت تک
دوعالم سے ہی بے گانہ تُو کردے ساقیا مجھ کو
Nasha aisa pila utare na jo roz e qayamat tak
Do aalam se hi begana tu karde saaqiya mujh ko
ترے رخسار کے بوسے لیے ان کی شعاعوں نے
لگی ہے اس لیے اچھی ستاروں کی ضیا مجھ کو
Tere rukhsar ke bose liye un ki shu'aaon ne
Lagi hai isliye achhi sitaron ki zia mujh ko
دو عالم کے خزانوں سے کہیں بڑھ کر ہے وہ انجؔم
شہنشاہِ عرب نے ہی کیا ہے جو عطا مجھ کو
Do aalam ke khazano se kahin barh kar hai woh Anjam
Shehenshah e Arab ne hi kiya hai jo ata mujh ko
Share This Naat
Share with friends and family
رُلا دیتی ہے پاکیزہ مدینے کی ہوا مجھ کو
انجم نیازی